Skip to main content

Knud Rasmussenimut eqqaassutissaq qalipaammik kuineqarsimasoq

Marlunngormat unnuakkut Hans Egedemut eqqaassutissaq Københavnimi Mamorkirkenip eqqaaniittoq kisimi serlersaarfigineqarsimanngilaq, aammali issittumi ilisimasassasiorsimasup Knud Rasmussenip eqqaassutissaa Hundestedemiittoq serlersaarfigineqarsimavoq.

Knud Rasmussenip Hundestedimi Nørregademi eqqaassutissaa Innuttaasut illuata  saavaniittoq qalipaammik aappaluttumik kuerarneqarsimavoq.

Danmarkimi najukkami aviisi saqqummersartoq - sn.dk - issittumi ilisimasassarsiorsimasumut eqqaassutissap serlersaarfigineqarsimanera pillugu nutaasiassisimavoq, eqqaassutissaq issittumi ilisimasassarsiorsimasup inunngorneranit ukiut 100-nngorneranut atatillugu 1979-imi napparneqarsimavoq.

Serlersaarisimasneq Hundestedimi tupigusuutigineqartoq

Hundestedimi Knud Rasmussenip katersugaasiani pisortap Søren La Cour Jensenip, serlersaarisimanermut suna pissutaanersoq nalungamiuk, serlersaarisimaneq oqaaseqarfigerusunngilaa, TV2 Lorry aallappoq.

- Tupigissavara politikki tunngavigalugu taamak iliortoqarsimappat, Knud Rasmussenimi Kalaallit Nunaanni nuannarineqaqimmat, taanna TV2 Lorrymut oqarpoq.

Borgmesteri Steffen Jensen sn.dk-mut oqarpoq:

- Tupinnaqaaq taamak iliortoqarsinnaanera. Asuli aserorterineruoq. Pisimasoq kamaatigaara, taanna oqarpoq, eqqaassutissamillu peersineq aaqqiissutissaasorinngilaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER