Knud Rasmussen ikkarlissimavoq

Alapernaarsuut Knud Rasmussen juulip 20-ani ikkarlissimavoq. Tamanna Forsvaret Kommunikationssektion Vestip uppernarsarpaa. Ajutoorneq Qeqertarsuatsiaat Paamiullu akornanni pisimavoq.

- Knud Rasmussen, Danmarks Meteorologiske Institutip Kitaani silasiorfinnik kiffartuussineranut ikiuunnermini qeqertap Ukiiviit kujataani ikkarlissimavoq. Ajutoorneq pisimavoq, umiarsuup kisaminik umiatsiaminillu pullattakkamik qaqitsereernerata kingorna. Umiarsuaq aallariarnermini ikkarlissimavoq, Kommunikationssektionenimi pisortaq, Lars Skjoldan allakkatigut akissuteqarnermini allappoq.

Ajutoorneq misissorneqassaaq

Knud Rasmussen ikkarlikkami ajoqusersimavoq. Taamaammat umiarsuaq alapernaarsuut ajoqutini suliaritikkiartorlugit

Danmarkiliartariaqarsimavoq. Ajoqusernerilli ajorpallaanngimmata Knud Rasmussen nammineerluni Danmarkimut ingerlasinnaasimavoq.

- Illersornissaqarfimmi immikkoortut allat, Kalaallit Nunaanni Savalimmiunilu atuutsinneqartut, Knud Rasmussenip ulluni 25-ni amutsimiviinnerani aamma Danmarkimut Danmarkimiillu ingerlaarnerani suliassanik isumaginnissimapput, Lars Skjoldan oqarpoq.

Forsvarets Skibshavarikommissionip ajutoornermut pissutaasoq maannakkorpiaq misissorpaa, taamaammat illersornissaqarfiup pisoq pillugu maannamut qanoq oqaaseqartigisinnaanera killeqarpoq.

Oqaluttuarineqarsinnaasimavorli, sumiiffiup ajutoorfigineqartup eqqoqqinnaartumik uuttortarneqarsimannginnera.