KNR: Wæver aamma Hardenberg imermik suliniuteqartut

Sapaatip-akinneri arlalialuit qaangiuppata imeq puiaasaniittoq saqqummiunneqaratarsinnaavoq.

KNR nittartakkamini allappoq. KNR-ip saniatigut ilisimatitsissutigaa, naalakkersuisut siulittaasoqarfiani pisortaasimasoq Svend Hardenberg aamma Kommune Kujallermi borgemsteri Jørgen Wæver Johansen (S), tassannga suliniuteqartuusut.

Qeqertarsuup ernga
Svend Hardenberg tusagassiorfimmut inunnik sullissisumut oqarpoq, Qeqertarsuarmi Uunartuarsummit imeq siullermik Nuummi tuniniarneqassasoq, kisianni tunisassiaq nuna tamakkerlugu tunisaalernissaa anguniagaasoq.

- Qeqertarsuup ernga sivisuumik amigaatigisimavarput, imermillu tunisassiornissaq sivisuumi aallartisarniarsimavarput, Svend Hardenberg KNR-imut oqarpoq.

Taanna suliffeqarfimmik imermik tuniniaasussami, Greenland Investimi siulersuisuni siulittaasuuvoq, 'Imivik Puilasumit' taaguuserlugu tuniniarneqassaaq.

Nuuk Imermit akuersissummik utaqqillutik, taanna KNR-imut ilisimatitsivoq, taakku imeq tuniniarneqarnissaminut minguitsuunersoq misissorpaat.

Imeq misissorpaat
- Imeq minguitsuusoq misissuinerup takutippagu, taava Nuuk Imermi puiaasanut maqinneqarsinnaanngussaaq. Tassalu puiaasat pisiniarfinni assigiinngitsuni juunip aallartinnerani tunisaalernissaat naatsorsuutigaarput, Svend Hardenberg oqarpoq.

Puilasup ernga Nuummiinnaagallartoq tunisaalissasoq, puiaasallu utertitap akia tiguneqartassalluni.