tv-mi ammartagaq

KNR ullorsiummik immikkut aallakaatitseqqilerpoq

Nuna tamakkerlugu aallakaatitassiorfiup KNRip pingasunngornermiit aallartittumik ’Ammartagaq’ tv-kkut aallakaatinniarpaa

'Ammartagaq' KNR-TV-mi decemberip sisamaaniit aallartissaaq

KNR-TV-mi ammartakkat kalaallisut marluk aallakaatinneqassapput. Decemberip aallaqqaataaniit Julerup Færgeby kalaallisut oqaasertalersugaq aallakaatinneqarpoq maannalu KNRip toqqorsivianit ’Ammartagaq’ aallakaatinneqartussanngorpoq.

KNR-TV-mi ammartakkamik nutaamik aallakaatitassiornissamut ukiormanna aningaasaliisoqarnikuunngilaq. Taamaammat decemberip aallaqqaataaniit KNR-TVip Julerup Færgeby kalaallisut oqaasertalersugaq aallakaatippaa.

- Maanna aalajangerpugut toqqorsivimmiittoq kalaallisuinnaq suliaasoq ’Ammartagaq’ Trolderikkimillu oqaluttuaq aallakaateqqinniarlugu taannalu pingasunngornermi unnukkut aallartissaaq, KNR-mi pisortaq Søren Lennert Mortensen Sermitsiaq.AG-mut oqarpoq.

’Ammartagaq’ immikkoortut sisamaanniit aallartissaaq pingasunngornermi ualikkut nalunaaqutaq 17.00. Taanna 1992-mi suliaavoq tassanilu Trolderikkip ullorsiutai malinnaaffigineqarput. Julerup Færgeby nalunaaqutaq 17.30-miit aallakaatinneqartassaaq.

Kalaallisut ammartakkat kingorna TV 2p ammartagaliaa nutaa ’Tvillingerne og julemanden’ aallakaatinneqartarpoq.

Powered by Labrador CMS