tusagassiutit
KNR siorna sinneqartoorpoq
Landskarsimut akiitsut isumakkeerfiginissutaammata KNRip aningaasarniarnera oqinnerulerpoq
KNR 2013-mi 5,9 millioner koruunini sinneqartoorpoq 2012-mi 2,2 millioner koruuninik sinneqartooreerluni. Aningaasaqarniarneq pitsaanerulermat tusagassiorfiup inuiaqatigiinnik sullissisussaatitaasup nutarternissaa periarfissaqarnerulerpoq.
Atuaruk: KNRip siulersuisui politikkikut naaperiarfiupput
KNRip aningaasaqarniarnermigut ilungersunartorsiornera 2013-mi sulisut arlallit soraarsinnerannik kinguneqartoq aqqusaareerlugu siumut ingerlariaqqittoqarpoq.
KNRim siulersuisut naatsorsuutit saqqummiuppaat tassanilu erserpoq 2016-mut naatsorsuutit suliarineqarpata nammineq pigisat naligat angoqqinneqarsimassasoq.
KNR nutaaq
- KNR-mi siulersuisut isumaat naapertorlugu angusat naammaginartutut nalilerneqarput. KNRip aningaasatigut inissisimanerata isumannarunnaarsimanera pingaartumik naammagisimaarneqarpoq, KNRmi siulersuisut siulittaasuat Hans Peter Poulsen oqarpoq.
KNR siunissamut pilersaarusiorpoq KNRip susassaqarfiini pitsaanerusumik ingerlatsilernissamut tunngavigineqartussamik.
- KNR-ip nutaamik aaqqissuuteqqinnissaanut suliniutissanullu allanut tunngassuteqartut junip naalernerani KNR-ip siulersuisuinit akuerineqassasut naatsorsuutigaarput. Nutaamik aaqqissueqqinnissat iliuuseqalernissallu aallaavigalugit KNR nutarteriffigineqassaaq,matumanilu suliarisartakkagut tamarmik eqqarsaatigineqarput. Tusarnaartartugut, isiginnaartartugut aammalu web-imik atuisartugut ukiassamut qilanaalereersinnaapput, KNR-mi pisortaq Søren Lennert Mortensen oqarpoq.
KNR pillugu allaaserisat uani atuarsinnaavatit