Skip to main content

KNR-p illutassaanut aningaasaliissutit 70 million koruunit peerneqartut

Aningaasat Kangerlussuarmi, Qaanaami Uummannamilu pingasunik umiarsualiviunneqarnerinut atorneqassapput

Naalakkersuissut Inatsisartunilu Aningaasaqarnermut Akileraartarnermullu ataatsimiitaliap sapaatip-akunnerata siuliani pingasunik umiarsualiviortoqarnissaa aningaasaliiffigaat. Aningaasallu amerlasuut suliniutigineqareersumit KNR-p illutassaaniik aaneqarsimasut, paasinarsivoq.

Aamma atuaruk: Umiarsualiviit pingasut millioninik aningaasaliiffigineqarput

Inuiaqatigiit aningaasaataannik pinnguarneq

Naalakkersuisut Inatsisartunilu Aningaasaqarnermut Akileraartarnermullu ataatsimiititaliaata pingaarnersiuinerat, KNR-p pisortaanerata, Karl-Henrik Simonsenip , tupigusuutigaa.

-  Ukiualunnguit matuma siorna 70 million koruunit aningaasaliissutaasimasut massakkut peerneqarnera, soorunami pakatsissutigaara. Aningaasaliisoqarneraniik KNR-p illuliorneqarnissaa pingasoriarluni pilersaarusiorneqarsimavoq. Massakkullu paasinarsivoq, tamanna inuiaqatigiit aningaasaataannik pinnguarnerusimasoq, pisortaaneq KNR.gl-imut oqarpoq.

Taassuma ilanngullugu tikkuarpaa, KNR-p illuutaani atortut ullutsinnut naleqqutinnginnerat, suliniutillu sooq taama kingusitsigisumik unitsinneqarnera paasisinnaanagu.

- Ullutsinnut naleqqussakkamik nutaarsiassaqartitsiviup illuliuunneqarnissaa pilersarusiorlugu piareersarsimavarput. Aningaasanillu illuartitsinikkut tamanna unitsinneqarpoq. Tamanna KNR-imuinnaanngitsoq Nunatsinnilu innuttaasunut utoqqatsinarlunilu nuanninngilaq, Karl-Henrik Simonsen, KNR naapertorlugu oqarpoq.

Pingasunik umiarsualiviortitsiniarluni aningaasaliissutit saqqummiunneqarnerini, Kangerlussuarmi takornarialerinermik ineriartortitsinermut inuiaqatigiinnullu arlalinnut iluaqutaajumaartut, Attaveqaqatigiinnermut Naalakkersuisup, Erik Jensenip (S) oqaatigaa.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER