isumaqatigiinniarnerit
KNR: Naalakkersuisunngortussat ullumi saqqummiunneqarsinnaapput
Naalakkersuisunngortussat nutaat immaqa sisamanngornermi saqqummiunneqarsinnaapput. Taama KNR ilisimatitsivoq
Sermitsiaq.Ag allaasereriigaatut naalakkersuisooqatigiinniarluni isumaqatigiinniarnerit immaqa inissereersimapput.
KNR allappoq Siumut siulersuisuini ilaasortap, Mikael Petersenip, oqaatigisimagaa Siumumi siulersuisuunerit nalunaaqutaq marlunut naapinniartut.
KNR-illu allaaserisaa najoqqutaralugu Siumumi siulersuisuunerit partiit isumaqatigiinniarnermut siunnersuutaat akuersissutigissavaat.
Nangillutillu KNR-ermiut allapput Siumumi siulersuisuunerit siunnersuutit akuersissutigissappatigit, taava Naalakkersuisunngortussat ullumi, sisamanngornermi, kingusinnerusukkut, Siumup partiip siulittaasui ataatsimeeqatigereerpagit saqqummiunneqarsinnaasut.
Paasissutissat Sermitsiaq.AG-p pissarsiarisai, kisianni suli qulakkeerneqanngitsut, najoqqutaralugit partiit siulittaasui sisamanut Siumumik ataatsimeeqateqaqqinniarput.
Atassutip siulittaasuata Knud Kristiansenip Sermitsiaq.AG-mut ilisimatitsissutigaa Atassummiut marlunut ataatsimeeqatigiinniartut Siumumik sisamanngornermi isumaqatigiinniarnerit isummerfiginiarlugit.
Sermitsiaq.AG isumaqatigiinniarnerit ineriartorneranut qanittumik malinnaavoq.
Atuaruk: Naalakkersuisooqatigiinnissamik isumaqatigiinninniartut ataatsimeeqatigiit tupaallannartut