KNR: Karl-Kristian Kruse Naalakkersuisunit anissaaq

Aalisarnermut, piniarnermut nunalerinermullu Naalakkersuisoq Karl-Kristian Kruse ataasinngorpat Naalakkersuisutut taarserneqassaaq. Tamanna KNR-p paasivaa.

KNR-lli Naalakkersuisut siulittaasuat Kim Kielsen (S) oqaaseqartissinnaasimanngilaa.

Sooq?

Karl-Kristian Kruse sooq taarserneqassanersoq KNR-p eqquissumik nassuiaatissaqartinngilaa. Radioaviisilli nammineerlulni tikkuarpaa naalakkersuisup aalisarnermut inatsisip aaqqissuuteqqinneqarnissaa ajornakusoortussimagaa.

Aamma Karl-Kristian Kruse KNR-p saaffiginninneranut qisuariarsimanngilaq.

KNR-p paasisai naapertorlugit Karl-Kristian Kruse aalisarnermut, piniarnermut nunalerinermullu Naalakkersuisutut taartigissavaa parteeqanni Nikolaj Jeremiassen.