Skip to main content

KNR: Isornartorsiuisarnerput aallutiinnassavarput

- KNR-imi sulisup ataatsip politikkerimut sakkortuumik ajuallannartumillu allannera, KNR-imi sulisuinut tamanut annernartutut tiguneqarpoq. Tamanna allanngortissinnaanngilarput, isornartuisumilli tusagassiisarnerput allanngortissanngilarput, KNR-imi sinniisi oqarpoq

- KNR-ip nittartagaani aaqqissuisup, Partii Inuit siulittaasuannut Nikku Olsenimut, sakkortuumik ajuallatsitsinera, KNR-imi nutaarsiassaqartitsivimmi sulisut, tusagassiortut allallu nutaarsiassaqartitsivimmut attuumassuteqartuusugut tamavitta sakkortunerpaamik akerlilerparput, tassami taama pissusilersorneq KNR-imi ileqqorinnginnatsigu.

Tusagassiummi nalunaarummi KNR-ip sinniisaa Apollo Mathias Jeremiassen oqarpoq. KNR-ip nittartagaani aqutsisuusimasoq Peter Troelsenip ilaatigut Partii Inuit siulittaasuat Nikku Olsen Adolf Hitlerimut assersuuppaa, kukkunikkullu maili suleqatiminut nassiunniakkani tusagassiorfinnut partiinullu tamanut nassiuttoorlugu. Taamaaliortoqarnera KNR-imi sulisunit tamanit eqqorneqarlutik oqaatigaa. 

- KNR-imi sulisup ataatsip politikkerimut sakkortuumik ajuallannartumillu allannera, KNR-imi sulisuinut tamanut annernartutut tiguneqarpoq. Tamanna allanngortissinnaanngilarput. Paasilluarsinnaavarput tusarnaartartutta nittartakkatsinnilu atuartartutta, taama pissusilersorneq aallaavigalugu, KNR-i tatiginanngitsutut isigissappassuk. Kisianni erseqqissaatigilara, tusagassiorneq tamatigoortoq aallaavigalugu aamma naalakkersuinikkut pissutsinik isornartorsiuisinnaatitaanerput aallaavigalugu, soorunami ileqqorissaarneq tassani aamma aallaavigalugu, tusagassiisarnerput aallutiinnassagatsigu, isumaqatigineqanngikkutta isumaqatigineqaruttaluunniit, Apollo Mathias Jeremiassen oqarpoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER