KNR nukittorsarpoq
KNR-ip pilersaaruteqaleraluarnini ajuusaarutigaa
KNR-ip piseqqusaarut knr.gl-imiittoq Namminersorlutik Oqartussanit piumaffigineqareerluni peerpaa, tamanna pivoq nalilerneqarmat innuttaasunik sullissinissamut pisussaaffiligaq nittartakkamini pilerisaaruteqarnissaminut inatsisitigut tunngavissaqanngitsoq
KNR-imi ajortoqaqqippoq.
Innuttaasunik sullissinissamut pisussaaffilikkap pilerisaarut nittartakkaminit knr.gl-imit Ilinniartitaanermut, Ilisimatusarnermut, Ilageeqarnermullu Naalakkersuisoqarfimmit piumaffigineqareerluni peerpaa.
Tamanna pivoq Ilinniartitaanermut, Ilisimatusarnermut, Ilageeqarnermullu Naalakkersuisoqarfik nittartagaq aqqutigalugu KNR piseqqusaarutinik assigisaannillu nittarsaassinissaminut inatsisitigut periarfissaqanngitsoq nalileereersorlu.
Atuaruk: KNR akuersissuteqarani aallakaatitsivoq
- Naalakkersuisoqarfiup kissaateqarnera soorunami malittussaavarput, naak inatsisip nassuiarneqarnera isumaqatiginngikkaluarlutigu, KNR-ip pisortaanera Søren Lennert Mortensen tusagassiuutinut nalunaaruteqarluni allappoq.
Radiukkut tv-kullu aallakaatitsisarneq pillugu inatsit najoqqutaralugu KNR-imut killissarititaasut allanneqarsimapput.
Atuaruk: KNR-ip sulisuminit radioqarfik pisiaraa
Atuaruk: KNR-ip radioqarfik nutaaq ima akilerpaa
Søren Lennert Mortensenip nassuiaanera naapertorlugu Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfiup naliliinera naapertorlugu knr.gl-imi saqqummersinneqartartut aallakaatitsinertut isigineqarsinnaanngillat.
- Radiokkut TV-kullu aallakaatinneqarsimasut ilarpassui nittartagarput aqqutigalugu isiginnaarneqarsinnaapput tusarnaarneqarsinnaallutillu. Tamannalu uagut isumarput malillugu aallakaatitsinertut isigigaarput, Søren Lennert Mortensen oqarpoq, imalu nangilluni:
- Soornunami sullitatsinnut tamanna ajuusaarnarpoq, kisiannili peqquneqarnerput malittariaqarparput.
KNR pillugu allaaserisat allat uani atuakkit
KNR pillugu AG-mi allaaserineqartut arlallit atuarneqarsinnaapput. KNR-ip radioqarfimmik pisisimanera ilaatigut isornartorsiorneqarpoq. Aviisi uani pisiariuk: