KNR nukittorsarpoq
KNR-ip Nuummi radioqarfiutiminut allakaatitsinera matoqquneqartoq
KNR-i piumaffigineqarsimavoq radioaqarfiup Nuumminnaq aallakaatitsisartup, Voice of Greenlandip, FM-ikkut nassiussuinera matussagaa. KNR-i aallakaatitsinissamut akuersissummik peqarsimanngilaq
Innuttaasunik sullissinissamut pisussaaffiligaq Namminersorlutik Oqartussat piumaffigisimavaat radioqarfiup Voice of Greenlandip, Nuummiinnarlu aallakkaatitsisartup, FM-ikkut nassitsissutaa sisamanngornermi unnuap qeqqanut qamissagaa.
Tamannalu tunngaveqarpoq KNR taamaallat nuna tamakkerlugu aallakaatitsisinnaatitaammat.
Taama knr.gl allappoq.
Atuaruk: KNR akuersissuteqarani aallakaatitsivoq
Naak KNR-ip pisortaanera, Søren Lennert Mortensen, oqarnikuungaluartoq KNR-i radioqarfimmik Nuummiinnaq aallakaatitsisartumut, Voice of Greenlandimut, qanittumilu pisiarisaminnut, nassitsinissaminut akuersissutaateqartoq, maanna paasinarsivoq innuttaasunik sullissinissamut pisussaaffiligaq akuersissutaateqarsimanngitsoq.
- KNR-i radiokkut nuna tamakkerlugu aallakaatitsisinnaavoq, taamaattumik najukkami radio Nuummi tusarnaarneqarsinnaasoq, Voice of Greenland, KNR-ip januarimi pisiaa, FM-ikkut aallakaatitsisartoq unnuaru unnuap qeqqanut matuneqassaaq, aallakaatitsinissamut akuersissutip akuerineqarnissaata tungaanut, knr.gl taama allappoq.
Atuaruk: KNR-ip sulisuminit radioqarfik pisiaraa
Atuaruk: KNR-ip radioqarfik nutaaq ima akilerpaa