iluatsinngitsoq
KNR-ip inuusuttunut radio qamippaa
Stationip qaminneqarnissaata aalajangiunneqarnerata kingorna, KNR Voice radiomi sulisut marluk soraarsinneqarput
Ukioq ataasiunngitsorluunniit KNR-ip inuusuttunut iliuuseqarniarlutik KNR Voice saqqummiutereernerata kingorna, tusagassiorfiup innuttaasunut kiffartuussisup radio kanalip ingerlanneqarnera unitsissallugu aalajangerpoq.
Tamanna KNR-ip nittartagaani atuarneqarsinnaavoq.
KNR-imi atuaruk: KNR-ip inuusuttunut radio tuniniarpaa
KNR-imi pisortaq, Jakob Abelsen, Voicemik KNR-ip avataatigut ingerlaqqittussamik pisisussaasinnaasumik maannakkut oqaloqateqalereernerarpoq.
Sulisut marluk soraarsinneqarput
KNR Voice januarimi KNR-ip tuniniaanermut pisortaanit, Claus Nissenimit, taamanikkullu isumaliuutersortitsisumik siornatigut radiomik ingerlatsisimasumit pisiarineqarpoq.
Atuaruk: KNR-ip sulisuminit radioqarfik pisiaraa
KNR-ip nalunaarutigaa sulisut marluk soraarsinneqartut, kisiannili ukiup naanissaata tungaanut aallakaatitsissanerarpaat, imaluunniit piginnittussat nutaat tigunissaata tungaanut.
Ussassaarutinik tunisaqarluarsinnaanngitsut
Tusagassiorfik inunnut kiffartuussisussaq aningaasartuutinut 1 millionit koruuninut matussusiisussanik ussassaarutinik tunisinissamut naammassinnissinnaannginnera peqqutigalugu, Voice taamaatinneqarpoq.
Siulersuisunit tamanna aalajangerneqarpoq, Namminersorlutik Oqartussat Tele-Postilu aaqqiissutissanik assigiinngitsunik nassaarniarlutik ataatsimeeqatigisaqattaarsimagitsik, KNR-ip pisortaa oqarpoq, aaqqiissutissamilli isumaqatigiissuteqartoqarsinnaasimanngilaq.
KNR Voice inuusuttunut inuusuttorpalaarnerusumik radioqarusuttunut neqeroorutitut aallartinneqarpoq.
Aamma atuaruk: KNR-ip radioqarfik nutaaq ima akilerpaa