KNR-ip innuttaasunik ataatsimiisitsinerit toqqaannartumik aallakaatissavai
Kuannersuarni aatsitassarsiornissamut atatillugu innuttaasunik ataatsimiisitsinissatut pilersaarutaasut sisamat, innuttaasut fjernynillit malinnaaffigisinnaavaat.
Qaqortumi Narsamilu februaarip arfineq-pingajuani qulingiluaanilu marloriarluni innuttaasunit ataatsimiisitsisoqassaaq. Ataatsimiisitsinerillu taakkua KNR-ip toqqaannartumik aallakaatinniarpai.
Innuttaasunik ataatsimiisitsinerit fjernsynikkut toqqaannartumik aallakaatinneqarnissaannik aalajangersimanermut tunngaviuvoq, coronamut atatillugu killersuinerit pissutigalugi inissat killeqarnerat.
- Kuannersuarni aatsitassarsiulersaarneq nunatsinni avissaartuutallunilu oqallisaaqaaq. Amerlasuut paasisaqarnerujumallutillu paasissutissinneqarnerujumapput. Aamma KNR innuttaasunik ataatsimiisitsinissani sammineqartussanut taakkualu aaqqissuussaanerannut arlaannaatigulluunniit attuumassuteqanngikkaluarluni, aaqqissuisoqarfimmini allani paasissutissiissutigeriikkaminut ilapittuutitut isigai. Taamaammat toqqaannartumik aallakaatissavagut, pisortaq oqarpoq.
KNR-ip toqqaannartumik aallakaatitsinissaanut piffissaliussat:
