Skip to main content

KNR-imi tusagassiortoq uranimut isorinnittoq soraarsikkaat

Tusagassiortoq Søren Lyberth inuttut isummani, kukkuluttulaarninilu tunngavilersuutigalugit soraarsinneqarluni misigisimavoq. Akerlianilli taanna tamanut sullissiviup tatiginassusaanik innarliiisoq KNR-i isumaqarpoq

Massakkorpiaq Søren Lyberthiulluni nuannerpallaanngilaq. 

Tusagassiortoq radiukkut aallakaatitassiami Oqalliffimmi tusagassiortutut ilisarimaneqartoq maanna ingerlaannaq atuutilersumik soraarsitaavoq, taamaalillunilu atorfimminut atatillugu inigisani annaallugu, tamatumalu malitsigisaanik Nuummi angerlarsimaffeerutissaaq. 

Soraarsitsinermut allakkat naapertorlugit radiukkut allakaatitani marlunni, ilaatigut urani pillugu ajornartorsiummut tunngasumi, illuinnaasiortumik aallakaatitassiorsimanera tunngavilersuutaavoq. Pisorli soraartsinermut toqqammaviusoq, KNR-imi pisortat Facebookimi, Søren Lyberthip assinik nammineerluni ivertissimasaanik aallaaveqarpoq. 

Atuaruk: 'Nunarput uranisiornerani, Lars-Emil qanoq pissarsissava?'

Uranimut akerliussutsimik takutitsineq
Qulequttami ‘aataa suligami’-mi ukioq manna apriilip arfineq pingajuani tusagassiortoq urani pillugu akerliussutsimik takutsitsisuni KNR-ip mikrofonianik ilisarnartumik tungujortumik ti
gummiarluni tusagassiuvisoq takuneqarsinnaavoq. Assillu misissorlualaaraanni taassuma nipitittagaq ‘Urani Naamik’ nammattakkami nammiutaata aappanut ikkussimagaa takuneqarsinnaavoq. Tamannali KNR-imi qullersat nuannarinngilaat. 

- Tamatuma sulinerpit nalaani uranimik qalluinissamik politikkikkut akerliunernik takutitsiniarsimanerit takutippaa. Tamanna tusagassioriaatsimi tunngaviusumik pingaartitanut akerliuvoq, taamaaliornikkullu KNR-i suleqatitillu ajortumut inissippatit, tamannalu KNR-ip tutsuiginassusaanut innarliivoq, soraarsitsinermi toqqammavigineqartoq isertuunnagu taamak nalunaarutigineqarpoq. 

Atuaruk: Nuummi uranimut akerliussutsimik takutitseqqittoqalersoq

Politikkikkut soraarsitaasoq?
Søren Lyberthilli isumaa naapertorlugu taamaaliortoqarsinnaanngilaq, taannami Naalakker
suisut uranimut politikkiat Greenland Minerals and Energyllu Narsap eqqaani Kuannersuarni suliniutaa pillugu isorinnittumik tusagassiorsimanini pillugu, politikkikkut soraarsitaasimalluni isumaqarpoq.

Taassuma Kalaallit Nunatsinni uranimik qalluisoqarnissaanut akerliunini ammasumik nassuerutigaa, taamaattoq inuttut isummersornermi tusagassiornerminut sunniisinnaanera eqqunnginnerarlugu. 

Allaaserisaq tamaat AG-mi uani sapaatip-akunnerani saqqummertumi atuaruk, uani aamma pisiarisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER