KNR-imi tusagassiisarnermut pisortaq ukiuni aqqaneq-marlunni sulereerluni soraarpoq

Mikkel Bjarnø Lund Facebookikkut allalluni nalunaarpoq, innuttaasunut kiffartuussivimmit soraarniarluni aalajangersimanini ”tussunngunartuusoq, aammali eqqortuusoq”.

Taassuma oqaatigaa, tusagassiortarnerup aaqqissuussaaneranik aqutsisunngornerminiit ”ullutsinnut naleqqunnerulersimasoq, angusaqarfiunerusartoq nutaarsiassaqartitsivillu sutigut tamatigut nukittunerulersimasoq”.

- Digitalikkut aatsaat taamak erseqqitsigisumik saqqummiussisalerpugut, naak suli periarfissaagaluartoq – sulilu pisariaqartinneqaraluartoq – suli erseqqinnerulersinneqarnissaa, soraarsimanini nammineq inuttut saqqummiukkamiuk erseqqissaatigaa, Qanorooq qaammatini qulingiluaannarni aallakaatinneqassaarluni ukioq naallu aallakaatinneqartalersimasoq.

Allannguisimanerit siuttuuffigisimasaasa ilagaat, itinerusumik ”eqqarsaatigineqarneq” ajortut pingasut, tassaasut radioavisi, nittartakkatigut nutaasiassat Qanoroorlu, taakku nutaarsiassaqartitsisarnermut atatillugit immikkoortortaqarfimmi suleqatigiiffiunerulersimapput, ikioqatigiiffiunerulerlutik avitseqatigiiffiunerulersimallutillu", Mikkel Bjarnø Lund saqqummiussamini allappoq.

KNR-ip radioani pisortaq Alice Sørensen, apriili allaqqaataanili tusagassiisarnermi pisortaagallartinneqarpoq.