tusagassiuutit

KNR-imi akunnerit tamaasa nutaarsiassaqartalissaaq

KNR-ip nutaarsiassiisarnera ataasinngornermit allannguuteqarpoq

KNR ullormut arlaleriarluni nutaarsiassiisalissaaq

KNR-imi radioaviisit siulliit nalunaaqutaq 10.00 aamma 11.00 aallakaatinneqarput.

Taamaasilluni KNR-ip aallakaatitsisarnini allanngortippaa, ullup ingerlanerani sivikitsunik akunnerit ataasiakkaarlugit nutaarsiassiisassalluni. Soorlu Namminersorlutik Oqartussani toqqaannartumik nalunaaqutaq 11.00 toqqaannartumik aallakaatitsisoqartoq.

Nutaarsiassiisoqartalissaaq ullaakkut nalunaaqutaq 7.00-imit 20.00-ip tungaanut akunnerit ataasiakkaarlugit.

- Pisoqartuaannarpoq, imaannermi ajorpoq nutaarsiassat ataatsikkut nalunaaqutaq arfineq marlunut, arfineq pingasunut arfinermulluunniit pisarlutik. Ullup ingerlanerani nutaarsiassaqartuaannarpoq, isumaqarpunga Kalaallit Nunaanni tusagassiiviit annersaattut siuttuunissaq pisunut malinnaanissaq pisussaaffigigipput, nutaarsiassallu nuna tamakkerlugu siaruarlugit, KNR-ip pisortaanera Søren Lennert Mortensen KNR-ip nittartagaanut oqarpoq.

Nutaarsiassat sivikinnerit minutsini arfineq pingasuni sivisussuseqartassapput. Kalaallisut minutsini sisamani aallakaatitsisoqartassalluni qallunaatut minutsini pingasuni aallakaatitsisoqartassalluni, KNR neriorsuivoq.

Radioaviisit sivisunerusut aamma allannguuteqarput. Nutaarsiassat sivisunerusut ualikkut nalunaaqutaq 12.00 aallartittalissapput qallunaatut 12.15. Nutaarsiassat sivisunerusut kalaallisut unnukkut 18.00 aallartittalissapput, qallunaatut 18.15, taakku ulluinnarni aallakaatitsisarnerit atuutsinneqassallutik.

Akunnerup naanerani nalliuttunilu siunissami nalunaaqutaq 15.00 nutaarsiassiisoqartalissaaq. Akunnerup naanerani nalliuttunililu unnukkut aallakaatitsinerit kalaallisut nalunaaqutaq 18.00 aallakaatinneqartalissapput qallunaatullu 18.10, KNR nalunaarpoq.

Powered by Labrador CMS