isumaqatigiissutit
KNR: Angallassinermut aningaasaleeqqittut
Maanna naalakkersuisuujunnaaqqammersut angallannermut kiffartuussinermut isumaqatigiissutit pitsaanngorsarniarlugit aningaasaleeqqinnissartik angumerisimavaat
Qeqertarsuup Tunuani Kujataanilu kiffartuussinermut isumaqatigiissutit pitsanngorsarniarlugit, aningaasaqarnermut naalakkersuisuusimasoq Randi Vestergaard Evaldsen (D), aningaasanik 15 procentinik amerlanerusunik nassaarsimavoq. KNR.gl taama allappoq.
Ilassutitut isumaqatigiissutit
Aningaasanut inatsisissap aappassaaneerneqarneranut allannguutissatut siunnersuummi tamanna atuarneqarsinnaavoq, tassani 18,1 millionit koruuninik kiffartuussinermut isumaqatigiissutinut nutaanut ilassutitut isumaqatigiissutinut immikkoortinneqarnissaat allaqqavoq.
Atuaruk: Kiffartuussinissamut isumaqatigiissutini iluarsisassat IA-p iluarsiniarpai
Ilaasunut kiffartuussinermut isumaqartigiissutit 123 millionit koruuninik akeqartussaagaluarput. Aningaasaleeqqinnerup katillugu taakku 141 millionit koruuninngortippai.