Skip to main content

KNI: Kukkusumik naliliineq millionerpassuarnik nalilik

KNI A/S-imi qullersat ingerlatseqatigiiffiup Namminersorlutik Oqartussanit pigineqartup illuuterpassui, 400-t sinneqartut, ukiuni arlalinni nalikinaarlugit nalilertarsimavaat.

KNI A/S-imi qullersat quersuarni aserfallatsaaliinermut 2018/19-imi kinguartoorutit 265 millionit koruuniusut 300 aamma 350 millionit koruuninut amerlisimavaat.

Aviisi Sermitsiaq taama allappoq.

Amerleriaataat 13 aamma 32 procentit akornanniippoq.

Ingerlatseqatigiiffimmi Namminersorlutik Oqartussanit pigineqartumi aserfallatsaaliinermut kinguartoorutit 2015-imi isumalluarpallaartumik nalilerneqarsimapput.

Immikkut akiligassiissutigineqartut 35 aamma 85 millionit koruunit akornanniittut naggataagut atuisunit akilerneqartussaapput.

Peter Grønvold Samuelsenip, KNI A/S-imi pisortaanerup nassuerutigaa, aallaqqaammut missingiunneqarsimasut 2015-imeersut »illuutit tamakkerlugit misissorneqarnerannik tunngaveqanngitsut, tunngavigineqartulli tassaallutik ilisimasat pitsaanerpaat, siunnersorterput peqatigalugu naatsorsorneqartut«.

Taamaattumik akiligassat amerlanerulersut

Pisortaanerup ilanngullugu ilisimatitsissutigaa, ukiuni kingullerni misilittagarineqalersutut akiligassanut angisuumik makku amerlisaataasimasut:

  • Illuutit naatsorsuutigineqartumit pitsaannginnerusarput.
  • Aserfallatsaalinermik suliaqartunut aningaasartuutit naatsorsuutigisamit amerlanerupput.
  • Illoqarfinni minnerusuni nunaqarfinnilu pisiniarfeqarfigisatsinni aserfallatsaaliinermik suliaqarsinnaasut ikiligaluttuinnarput, illoqarfiimmi annerusut sulisartunit ilinniagaqarsimasunit pilerigineqarnerusarmata.
  • Sanaartornermi eqqagassanngortut peerneqarnissaannut avatangiisinut piumasaqaatit nutaat aserfallatsaaliinernut akitsorsaataasimapput.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER