KNI: Digitalimik aviisitigut neqeroorutit pisisartunit tigulluarneqarput
Pilersuisup digitalimik aviisitigut neqeroorutaat ukioqatigiinnit tamanit atuarneqartarput – inuusuttunit utoqqarniillu. Tamannalu KNI-p nuannaarutigaa, mobilikkullu atuarluarneqartartoq ilisimatitsissutigaa.
Pilersuisoq naalagaaffeqatigiinnermi niuertarfinni siulliit ilaanniilluni aviisitigut neqeroorutit naqitanik atorunnaarsitsivoq. Brugseni aviisinik neqeroorutinik illunut agguaassisarunnaarnikuuvoq, pisiniarfinnili suli aviiseqartarpoq.
Pilersuisup aviisitigut neqeroorutai digitalimik taamaallaat saqqummersinneqartarnissaannik aalajangerneq aggustimi atulerpoq – tamannalu pisisartut tigulluarpaat, KNI tusagassiuutinut nalunaarummi ilisimatitsivoq.
KNI-p nalunaarutaa naapertorlugu, qassinik ukiullit aviisi atorneruneraat qanorlu atorneraat, aviisitigut neqeroorutit programmerisaata tutsuiginartumik ersarissumillu takutippaa.
Utoqqaat amerlanerusut
Piffissami 7. oktoberimiit 31. december ilanngullugu pilersuisoq.gl inunniit 27.743-niit iserfigineqarpoq, taakkulu agguaqatigiisillugu 1 minut aamma 55 sekundit quppernermiissimapput, 177.258-it quppernermik takunnissimasut, 86 procentiisa aviisi mobilikkut atuartarpaat, KNI ilisimatitsivoq.
Aviisitigut neqeroorutinik atuartartut qassinik ukioqarnersut ataani takuneqarsinnaapput (aviisi ataaseq aallaavigalugu).
Pisisartut qanorluunniit ukioqaraluarunik neqeroorutit aviisit digitaliusut atuartaraat,
Nuannaarutigaarput pisisartutta qanorluunniit ukioqaraluarunik neqeroorutit aviisit digitaliusut atuartaraat, KNI-p nuannaarutigaa. Atuisut suiaassusaat assigiimmik agguarsimapput. Ukiui najoqqutarissagutsigit 45-54-inik ukiullit aviisi iserfigisarpaat.
+65-inik ukiullit ikinnerupput, taamatulli ukiullit nunatsinni 10 procentit missaannaanniikkamik, KNI-p nalunaarutaa naapertorlugu aviisitigut neqeroorutini atuartartuni amerlasoorujussuupput.