Skip to main content

KNI-p pisortaata Pilersuisup pisiniarfii nersualaarpai

Pilersuisup pisiniarfiisa sukutsitanngui tamaasa ilikkarumallugit suliffeqarfissuup pisortaanerata Claus Jensen-ip Nunatsinni Pilersuisup pisiniarfii Polaroilillu peqqumaasivii tamaasa takuniarpai

KNI-p pisortaanerata nunami ingerlatsiviit annersaasa ilaat tamaviat ilisimasaqarfiginiarpaa, niuernermi immikkoortut tallimat tamaasa iternga tikillugu ilisimasaqarfigalugit.
– Pingaaruteqarpoq pisiniarfiit peqqumaasiviillu tamakkualu pisortaasa pulaarnissaat, nammineq takujumallugit illoqarfinni nunaqarfinnilu tamakkuuteqarfitsinni tamani unammilligassat ajornartorsiutillu, Claus Jensen tusagassiorfinnut nalunaarutikkut oqarpoq.
Claus Jensenip pisiniarfiutileqatigiiffiup pisortaa Frederiksen Olsen ilagalugu angallammik 2.500 kilometerit angalaqqammerpai, tamatumani Qeqertarsuup Tunuaniit avannamut illoqarfiit nunaqarfiillu 19-it tikeraarlugit.
– Pisiniarfippassuaqarpoq kusanartunik pisariaqartinneqartunillu nioqqutissaatilinnik, init aserfallassimasinnaagaluartut. Sumiiffinni ikittuni assersuutigalugu meqqilersuinerit amigaataapput, imaluunniit ulloq nioqqutissat tunineqarfissaat kingulleq qanippallaarluni, tamakkualu qanoq aaqqinneqarnissaannuyt pisiniarfiutileqatigiiffiup pisortaa Frederik Olsen siunnersuutissaqarpoq. Oqartoqarsinnaavoq pisiniarfinni pisortat, niuertut peqqumaasivinnillu aqutsisut soraarummeersinneqarsimasut. Amerlanerpaat karakterigissaarlutik ´angusipput´, Claus Jensen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER