Skip to main content

KNI-p naatsorsuutai kukkuneqartut

Namminersorlutik Oqartussat ingerlatseqatigiiffiutaanni KNI A/S-imi naatsorsuutit ukiuni arlalinni kukkuneqartarsimapput. Tamanna KNI-p siulersuisuini siulittaasup Lars Borris Pedersenip tusagassiorfinnut nalunaarutaani nassuerutigineqarpoq.

KNI-p avataanit kukkunersiuisartuata Deloittep paasisimavaa, KNI-p uninngasuutai kukkusumik naatsorsorneqartarsimallutillu nalunaarsorneqartarsimasut.

- Tamatuma malitsigisaanik suliffeqarfiup nammineq aningaasaatai 50 millioner koruuninik nalikillisittariaqarsimavavut, Lars Borris Pedersen Sermitsiaq.AG-mut ilisimatitsivoq. Naatsorsuutini kingullerni nammineq aningaasaatit 1,1 milliard koruunit missaanniittutut naatsorsorneqarsimapput.

- Taamatut kukkussuteqartarneq 2010-mili atuussimavoq, taamaammallu ukiuni arfineq-marlunni kingullerni tamanna ingerlatseqatigiiffiup aningaasaqarneranut aamma ingerlatsinermi angusarisartagaanut malunnaatilimmik sunniuteqarsimanngilaq, Lars Borris Pedersen ilisimatitsivoq, nangillunilu:

Peqquserluuteqartoqarsimannginneraraa

- KNI-p ingerlatseqatigiiffiup kukkunersiuisarfini avataaneersoq peqatigalugu kukkussutaasimasoq misissoqqissaarsimavaa, tamatumalu malitsigisaanik paasisimallugu peqquserluuteqartoqarsimanngitsoq imaluunniit kukkussuteqanermi aningaasaqarneq arlaatigut naapertuukkunnaartinneqarsimanngitsoq. Naatsorsuinermi kukkussuteqarsimaneq matumani pineqarpoq, KNI-mit oqaatigineqarpoq.

Ulloq manna siusinnerusukkut pisortaaneq Peter Grønvold Samuelsen sulisut ataatsimeeqatigalugit pisimasoq pillugu ilisimatitsissuteqarsimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER