KNI-mi siulersuisut politiit paasiniaanerat utaqqeqqaarniarpaat

KNI-p ukiup affaani 2020/21 naatsorsuutitik saqqummiunnerannut tunngatillugu naatsorsuuserinermi peqquserluttoqarsimasinnaaneranut tunngassuteqartut amerlanerusut saqqummiuppai. Taamaasiortoqarnerani suliffeqarfiup aningaasaatai 50 milliuunit koruuninik ikileriarsimasutut naatsorsuunneqarsimapput. Siulersuisulli nassuiaatigineqartut tusaatissatut tiguaat, politiillu paasiniaanerat utaqqimaaqqaassallugu.

KNI A/S-ip siulersuisut ukiup affaanut naatsorsuutit aallaavigalugit ataatsimiissimapput. Ataatsimiinnermi oqallisigisanut ilaavoq uninngasuutit nalitusarneqarsimaneri. Taama iliortoqarneranut tunngatillugu Sermitsiaq qulaajaasimavoq, ilaatigut ingerlatsivimmi sulisuusimasoq paasisaqarfigineritigut.

Ilisimatitsissutigineqarpoq siulersut "KNI A/S-ip politiinut nalunaarutigineqarneranit politiit qanoq aalajangerumaarnerat” utaqqigaat.

I halvårsrapporten kommer selskabet desuden med yderligere oplysninger om, hvordan en forkert lagerværdi-ansættelse udløste den store nedskrivning af egenkapitalen med samlet set 50 millioner kroner.

- Nalilersueqqissaarluni misissuinermi paasineqarpoq kukkunerup annersaa aallartissimasoq ukiuni naatsorsuiffiusuni 2011/12-imi aamma 2012/13-imi. Ukiunimi naatsorsuiffiusuni taakkunanni suleriutsini nioqqutinullu paasissutissanut tunngasuni eqqortumik suliaqarsinnaaneq KNI-mi assut ajornartorsiutaanikuuvoq. Tamannarpiaq ukiuni naatsorsuiffiusuni pineqartuni naatsorsuutini kiisalu kukkunersiuisut nalunaarsugaanni sukumiisumik nalunaarutigineqarnikuuvoq. Kukkunerup ukiuni taakkunanni naatsorsuiffiusuni qanoq agguataarsimanera qularnaatsumik naatsorsorneqarsinnaasimanngilaq, tassami ukiuni taakkunanni systemit atorneqartut suleriutsillu assut amigaateqarsimapput, ingerlatsivik allappoq.

Systemit ilaanni kukkuneq

- Nalilersueqqissaarluni misissuinermi paasineqarpoq uninngasuutinik nalilersuinermi kukkussutaasimasut aningaasartaat eqqarsaatigalugit ukiumi naatsorsuiffiusumi 2013/14-imi patajaallisimasut, ukiumiillu naatsorsuuteqarfiusumiit tassanngaanniit quimi uninngasuutinik naatsorsuinermi naatsorsuusiortarneq ERP-mi quinik uninngasuutinik nalilersuinermi systememi atorneqartumi suliaqartarneq taannaasimasoq kukkuffiusarsimasoq.

Ukiuni naatsorsuiffiusuni 2011/12 aamma 2012/13 uninngasuutit 36 milliuunit koruuninut naatsorsorneqarsimapput, ukiullu arfineq-marluk ingerlaneranni, tassa 2012/13-2019/20-mut angusat akileraarusereerlugit 14 milliuunit koruuniullutik.

- Uninngasuutit naatsorsorneqartarnerannut Deloitte-miit nalunaarusiarineqartoq siulersuisunut saqqummiunneqarnikuuvoq. Naatsorsuutit kukkuneqarsimanerinik kiisalu peqquserluttuliortoqarsimannginneranik nalunaarusiorneq siulersuisut tusaatissatut tiguaat, tusagassiorfinnut nalunaarutigineqarpoq.

Ilanngullugu qalleqqissarneqarpoq suliami kukkusoqarsimaneranut tunngatillugu arlaannaatigulluunniit attuumassuteqanngitsumik misissuititsisoqarnissaa aalajangerneqarsimasoq.

Powered by Labrador CMS