KNI-mi siulersuisut politiinik akuliutsitsisut
KNI A/S-imi aningaasaqarnikkut pissutsit iluarsaanneqarneranni pissutsinik allanik assuarnartunik paasisaqartoqarsimammat, siulersuisut inunnik arlalinnik politiinut unnerluussiniarlutik aalajangersimasut, Sermitsiaq.AG-mit paasineqarpoq.
Kukkunersiuisarfiup PwC-p KNI A/S-imi aningaasaqarnikkut pissutsinik qulaajaanerata malitsigisaanik, siulersuisut aalajangersimapput inunnik arlalinnik politiinut unnerluussiniarlutik.
Siulersuisuni siulittaasup Lars Borris Pedersenip politiinut unnerluussinermi suut tunngavigineqarsimanersut aamma kikkut politiinut unnerluunneqarniarnersut Sermitsiaq.AG-mut oqaaseqarfigerusunngilai.
Lars Borris Pedersenip ilisimatitsissutigaa, ingerlatseqartigiiffiup tallimanngornermi ataatsimeersuarnera naammassineqartinnagut apersorneqarusunnani.
Ingerlatseqatigiiffik uninngasuutimi nalinginik peqquserluuteqarsimasutut 2020-mi politiinut unnerluutigineqarpoq. Politiit tassunga tunngassuteqartunik suli misissuipput.
Pisortaq kannguttaatsuliortarsimasutut unnerluunneqartoq
Politiinut unnerluunneqarnerup saniatigut pisortaanerusimasoq Peter Grønvold Samuelsen unnerluunneqarsimavoq, taanna kannguttaatsuliortarsimasutut unnerluunneqarsimanini pillugu decembarip aallaqqaataani aappaanilu eqqartuussivimmut sassartinneqassaaq. Kannguttaatsuliortarsimasutut unnerluussut sulisuusimasunit maannalu sulisuusunit politiinut tunniunneqarsimavoq.
Kalaallit Nunaanni suliffeqarfinni mamianartuliat annersaasa ilaat taamaalilluni tallimanngornermi ataatsimeersuartoqarnerani naammassineqartussatut isikkoqarpasinngilaq, eqqartuussivitsigulli arlalitsigut suliaqartoqarnissaanik inerneqarsinnaalluni.
Ataatsimeersuarneq tallimanngornermi nalunaaqutaq qulingiluanut aallartinneqassaaq, toqqaannartumillu isiginnaarneqarsinnaalluni.
Læs hele sagen:
-
KNI har rod i regnskaberne
-
KNI fejer regnskabsfusk ind under gulvtæppet
-
Pustes et lager op påvirker det overskuddet
-
Uvildig undersøgelse af KNI-sag
-
Tilliden skal genoprettes
-
Tatiginninneq pilerseqqinneqassaaq
-
Sådan blev KNI-regnskab manipuleret
-
KNI-bestyrelse vil afvente politiets efterforskning
-
KNI-mi siulersuisut politiit paasiniaanerat utaqqeqqaarniarpaat
-
KNI ramt af corona-restriktioner