KL

DK

KNI-mi kusanaatsuliaq: Naalakkersuisut whistleblowerit qujaffigigaat

Whistleblowerit arlallit sapiissuseqarlutik saqqummiussisimanngitsuuppata, KNI A/S-imi kusanaatsuliarpassuit qulaajaaffigineqarsimassanngikkaluarput, naalakkersuisoq Kalisat Lund, Múte B. Egede KNI-p ataatsimeersuarneranut peqataasinnanngitsoq sinnerlugu erseqqissaavoq.

- Det er mit ønske, at vores selskaber i Grønland tager ved lære af denne situation og vigtigheden af, at man har en professionel whistleblower-ordning, som kan tage hånd om uacceptable forhold, der ikke ved normal vis, kan bringes op for ens leder, sagde Kalistat Lund på KNI's generalforsamling.
Jørgen Schultz-Nielsen

Naalakkersuisut ingerlatseqatigiiffimmi KNI-mi naatsorsuusiornermi kukkusoqartarsimaneranik unnerluussinerpassuit har med ”ilungersunarluinnartutut isigaat”.

- Tassunga atatillugu whistleblowerit, naapertuutinngitsumik pisut taakkua oqaatiginiarlugit saqqummernissamut sapiissuseqarsimasut qutsavigerusuppakka, tamannami ingerlatseqatigiiffiup pissutsinik pisunillu akuersaarneqarsinnaanngitsunik taakkuninnga unitsitsisinnaasimaneranut iluaqutaavoq.

- Kissaatigaara pissutsit taakkua aammalu ingerlalluartumik whistleblowerimut aaqqissuussisimanerup, pissutsinik akuersaarneqarsinnaanngitsunik, nalinginnaasumik qullersamut apuunneqarsinnaanngitsunik iliuuseqarfiginnissinnaasup pingaaruteqarnera,
Kalaallit Nunaanni ingerlatseqatigiiffiit ilinniarfigissagaat, Kalistat Lund ataatsimeersuarnermi oqarpoq.

Kalistat Lundip neriorsuutigaa, ingerlatseqatigiiffimmi tukattumik ingerlatsisoqarsimanera peqquserluuteqartoqartarsimaneralu atuisunut kinguneqartinneqassanngitsut.

Akinik qaffaasoqassanngitsoq

- Tassunga atatillugu, ingerlatseqatigiiffiup iluarsiteqqinnissaa aammalu aningaasartuutissat nalaatsinerlunnermi pisunut ingerlatseqatigiiffiup inissisimaffigiligaanut atasut, atuisartunit matussuserneqassanngillat.

Ingerlatseqatigiiffiup maannakkut inissisimanerata malitsigisaanik akit qaffannerinit imaluunniit aningaasartuutit qaffannerannit atuisartut eqqorneqannginnissaat Naalakkersuisut pingaartippaat, siulersuisut siulittaasuata Lars Borris Pedersenip nalunaarusiaiminik saqqummiussinnginerani erseqqissaassutigineqarpoq.

Kalistat Lundip erseqqissaassutigaa, at ”siunissami tamatumunnga assingusumik pisoqarnissaa akuerisinnaanngikkipput akuerisussaanagulu". Naalakkersuisuniit taamaalilluta suliassat taakkua piaartumik naammassineqarnissaat takorusupparput, taamaalilluni KNI A/S aallutassaminik aallusseqqissinnaalissalluni, tassalu piginnittut – inuiaat kalaallit
- sullinnissaat.

Ilanngullugu aamma erseqqissaassutigineqarpoq, Taamaattumik aktiaatileqatigiiffiit Namminersorlutik Oqartussanit pigineqartut inuiaqatigiinnut tunniussaqartarnerat ingerlaannassasoq, Naalakkersuisut ersarissumik piumasaqaatigaat. KNI A/S ukiumi naatsorsuusiorfiusumi 6,9 millioner koruuninik amigartooruteqarpoq, maannamuugallartorlu sulisoq ataaseq peqquserluuteqarsimasutut politiinut unnerluutigineqarsimalluni, aamma siulersuisuni siulittaasup Lars Borris Pedersenip oqaatigaa, sulisut amerlanerusut politiiut unnerluutigineqarnissaat avaqqunneqarsinnaanngitsoq, kusanaatsuliorsimanerup qanoq annertutigiera tamakkiisumik suli paasineqarsimanngimmat.

Læs hele sagen:

inuussutissarsiutit
Powered by Labrador CMS