Skip to main content

KNI-mi arnat: Kannguttaatsuliortarneq imatut pisarpoq

KNI-mi pisortaaneq Peter Grønvold Samuelseni killissaminik qaangiilluni oqaatitsigut timikkullu attuaalaarisarnertigut kannguttaatsuliortarpoq, sulisuusimasut arlallit Sermitsiaq.AG-mut oqaluttuarput.

Peter Grønvold Samuelsen kannguttaatsuliortarsimasutut politiinut unnerluutigineqarsimavoq. Pisortaanerup KNI-mi atorfeqarnerminit soraarniuteqarsimanera sioqqullugu, Sisimiuni KNI-p qullersaqarfiani sulisuusimasut qulit Sermitsiaq.AG-mit oqaloqatigineqarlutik pisimasunik qulaajaasimapput.

Oqaluttuarineqartut malillugit pisortaanerup pisortaanini atornerlullugu Kalaallit Nunaanni ngerlatseqatigiiffiit annersaasa ilaanni sulisut kannguttaatsuliorfigisarsimavai.

Arnat oqaluttuaat Peter Grønvold Samuelsenip nammineq oqaasiinut akerliulluinnarput, pisortaanerummi erseqqissaatigaa ”qaninnguuiniartarneq akerleralugu”, aamma ”killissaminik qaangiilluni inunnik attuualaarisarnani”.

Qanorluunnit periarsinnaasoq

Arnat Peter Grønvold Samuelsenip qanorluunniit periarsinnaanera pissutigalugu kinguneqaataasinnaasut annilaanngatigingamikkit kinaanertik isertuuppaat. Sermitsiaq.AG-mit arnat kikkuunersut ilisimaneqarput, suliamilu matumani pisimasut ilungersunartuunerat pissutigalugu arnat kissaataat malinneqarlutik.

Ukiuni arlalinni suliffiup nalaani killissaminik qaangiilluni iliuuseqartarsimavoq.

Arnaq ataaseq oqaluttuarpoq:

- Ullaat ilaanni allaffimmut iserama, isumaqaraluarpunga siullersaallunga isersimallunga. Sunaaffa pisortaanerup arajutsisitsilluni tununniit nipaarsaarluni ornikkaanga. Tunukkut iviangikkullu attoriasaarpaanga. Tupallunga tunummut qiviapallappunga. Oqarfigivaanga isumaqarluni allaasunga (aqqa isertuunneqarpoq), ingerlaqqillunilu. Arnaq pisaa assiginngilluinnarpara. Ulloq alla aamma nipaarsaarluni tununniit tikippaanga, pukusukkut qungatsikkullu kuniorpaanga qungaseralu siggumminik kuniorlungu. Oqarfigivara taamatut iliornera nuannarinagu. Ilaatigiinnarpaanga.

Tujuuluaraata iluatigut assamminik attuualaarsimagaa

Arnap allap oqaluttuaraa, Peter Grønvold Samuelsenip arlaleriarluni peqqarniisaarfigisarsimagaani.

- Suliffimmi ingerlaartoq eqqumaffiginngikkaangakku tununniit attoriataartarpaanga. Ilaannikkooriarluni assani tujuuluaqqannut mangullugu iviangequtimma iluisisut attuuasarpaanga. Taamaalluni orneriarlunga nujakkut attuualaarpaanga. aperalungalu uimma taamatut attuualaartarneraanga. Aperivaanga uimma qanoq iviangikkut attuuasarneraanga aamma kinguaassiutikka qanoq pisarnerai, oqqani arlaleriarluni nuisittarpaa. Oqarfigivaanga taamatut eqqumaffigitikkusukkuma allaffia sumiittoq nalunngikkinga matualu ammasoq .

Arnat allat oqaluttuarput, arnat suleqatitik attuualaarneqartut takusarsimallugit, takuneqarsinnaasartorlu taamatut pineqarnitik nuannarerpasinngikkaat. Tassa timaasigut attuualaarinnittarneq ataasikaanuinnnaq pisarsimanngilaq, arlaqarpummi taamatut pineqartarsimasut, arnat qulit KNI-p qullersaqarfiani sulinerminni pisarsimasunik oqaluttuarnerisa tamanna takutippaat.

Sulinermi atukkat ajorluinnartut

Oqaluttuarineqartut aamma paasinarsitippaat, qullersaqarfimmi sulinermi atukkat ajorluinnartuusimasut, misigisartakkanik nuanniitsunik oqaluttuarnissamut qunusoqartarnera pissutigalugu arlaannut tatiginnittoqarsimanngimmat. Assersuutigalugu sulisoqarnermut immikkoortortaqarfimmut saaffiginninnissaq qunugineqartarsimavoq, arlallit oqarnerattuut ”sulisoqarnermut immikkoortortaqarfik pisortaanermit aqunneqarmat”.

Arnap allap pisarsimasut naatsumik oqaluttuarai, pisartut malitigisaannik uummatimigut tilleruluttoornermik, nujaasa katagalernerannik, stressilernermigut amerlulersimanermik, qiaqqajaasarnermik, sinissaarullunilu qulartarnermik kingunerluuteqarsimagami:

- Pukusukkut qitikkullu kissaatiginnisannik attuualaartarpaanga. Kannguttaatsumik quisaarlunilu oqaaseqartarpoq: unnuaq suisi. Kinguaassiuutinut tunngatillugit apersuisarpoq. Nilliaffigitinneq quiassuaatigineqarnerlu. Nilliaffigitinnissamut annilaanngateqarneq. Qanorluunnit periarsinnaaneranik annilaanngateqarneq: qungujulasinnaavoq imaaliallaannarlu kamaammerujussuarsinnaalluni.

Ajuusaarlunilu utoqqatsertoq

Peter Grønvold Samuelsenip ilisimatitsissutiginikuuaa ”ajuusaarluni” aamma ”utoqqatserluni kimulluunniit killissaanik qaangiilluni innimiilliorsimassaguni”.

Arnalli arlallit tupigusuutigaat Peter Grønvold Samuelsenip Sermitsiaq.AG-mut nassuiaateqarnermini oqaluttuarimmagu, sexisme, torersumik oqaloqatigiittarnnerit, pissuserissaarfiusumik quianartorsiortarnerit, oqaasertalersueriaatsit igutsisarnerillu pillugit iliuusissamik suliniuteqarsimanini. 

- Taakkorpiaappummi pisortaanerup nammineq iliuuserisartagai, kannguttaatsuliorfigineqarsimasut arnat ilaat pisortaanerup KNI-mit soraarnerata aqanguani erseqqissaavoq.

Læs hele sagen:

  1. KNI-direktør har opsagt sin stilling
  2. KNI-direktør politianmeldt for sexchikane
  3. Beklager og undskylder
  4. Ajuusaarlunilu utoqqatserpoq
  5. Peter Grønvold Samuelsen Air Greenlandip siulersuisuunerinit anivoq
  6. Peter Grønvold Samuelsen ude af Air Greenlands bestyrelse
  7. Sådan foregik sexchikanen
  8. KNI undersøger sexchikane-anklager
  9. KNI kannguttaatsuliortoqarsimaneranik unnerluutigineqartunik misissuisoq
  10. De pæne ord som KNI-direktøren svigtede
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER