KNI-mi angusat pitsanngoriartinneqarput

KNI akileraarutit sioqqullugit 86 millioner koruuninik sinneqartoorpoq taamaalillunilu ukiumi naatsorsuu-teqarfiusumi 2013/14-imi, aningaasatigut pitsaasumik ingerlatsineq aallartinneqartoq nangillugu, ukiumi naatsorsuuteqarfiusumi 2014/15-imi sinneqartoorut – ukiuni kingullerni qulini – aatsaat taama pitsaatigisoq anguneqarpoq. Pingaartumik nioqqutissanik pilersuinermi ukiut siuliinut sanilliullugu angusatigut siuariarneqarluarpoq. Taama pisortaaneq Peter Grønvold Samuelsen tusagassiorfinnut nalunaaruteqarpoq.

Tamanna pivoq massa aningaasarsiornikkut periarfissat ilungersunartorsiorfiugaluartut, tassami inoqarfinni nioqqutissa-nik pilersuisussaatitaaffigisani – nunaqarfinni illoqarfinnilu mikinerusuni – innuttaasut illoqar-finnut anginerusunut nutsernerat annertoorujussuugaluartoq, Peter Grønvold Samuelsen maluginiagaqarpoq.

Akileraarutit sioqqullugit 86 millioner koruuninik sinneqartoorutit ukiup siulianut sanilliullugit 24 millioner koruuninik pitsanngoriartitsineruvoq, tamannalu naammagisimaarnarluinnartuuvoq, pisortaq oqarpoq.

Sinneqartoorutinik pitsanngoriartitsisoqarpoq suliniummik ”KNI 2016”-ip tungaanut sukumiisoru-jussuarmik ukkassisoqarneratigut. Tamatuma saniatigut aningaasartuutinik aqutsilluarneq suleriaatsinillu pitsanngorsaaneq pissutaaqataapput, ilisimatitsivoq.

Suliffeqarfissuup immikkoortuani Polaroil-imi ikummatissamik imerpalasumik pilersuinikkut angusat 62 millioner koruuniupput, ukiup siuliani angusat 54 millioner koruuniusimasu.

Nioqqutissanik pilersuineq 22 millioner koruuninik angusaqarfiuvoq, ukiup siuliani angusat 3 millioner koruuniusimagaluartut.

Aningaasaliinerit annertuut

KNI-p pisiniarfiutai, quersui ikummatissaasiviilu ukioqqortusinikuupput, taamaattumillu tamakku aserfallatsaaliniarlugit aningaasarpassuit atorneqartarput, tamakkulu namminersorlutik suliffiuti-linnut aamma suliassaqartitsipput. Ukiumi naatsorsuuteqarfiusumi 2014/15-imi 70 millioner koruunit sanaartornermut aserfallatsaaliuinermullu atorneqarsimapput. Ukiuni kingullerni tallimani KNI sanaartornermut 589 millioner koruunit atorsimavai. Ukiuni tulliuttuni ukiumut 85 millioner koruunit miss. sanaartornermut atorneqartassapput, Peter Grønvold Samuelsen paasissutissiivoq.

KNI-p piginnittuanik, Namminersorlutik Oqartussanik, isumaqatigiissuteqarnikkut ukiumi sinne-qartoorutit ilaannit 30 millioner koruuninik agguagarsisitsisoqarnissaa immikkoortitsiffigineqarpoq.

Tamakku qaavisigut ukiumi naatsorsuuteqarfiusumi 2014715 KNI sulisut akissarsiaannit 70 millioner koruuninik akileraarutitigut akiliuteqarsimavoq, kiisalu 8 millioner koruunit suliffeqarfissuup akileraarutissai akilersimallugit.

Suliffeqarfissuaq

Ukiumi naatsorsuuteqarfiusumi 2014/15-ip naanerani KNI 912-nik sulisoqarpoq, imaluunniit ukioq kaajallallugu atorfiit 742. Taamaalilluni KNI Nunatsinni suliffissaqartitsisunut anginerpaanut ilaavoq. Sulisut piginnaanngorsarniarlugit suliniut Taqqissuut-mik taaneqartoq 2014-ip upernaakkuani aallarnisarneqartoq maanna ineriartortinneqaleruttorpoq, suliffeqarfissuup sulisuisa piginnaanngorsarneqarnissaannik imaqartoq.

KNI A/S tamakkerlugu ilinniartut maanna 55-upput. Taakku ilaasa 15-t ilinniarnertik ukiormanna aasap qaammataani naammassissavaat, allat ilinniartut nutaat 19-t ilinniarnertik suliffeqarfissuarmi aallartissallugu. Ilinniartut naammassereernermik kingorna KNI A/S-imi sulilertartut arlaqarput.