akiliisinnaajunnaarneq

KNI-ip pisiortorfia akiliisinnaajunnaarpoq

Suliffeqarfik KNI-mut tuniniaasartoq, Senobis, akiliisinnaajunnaarpoq

Næstvedemi pigisanik agguaassisarnermut eqqartuussivimmi suliffeqarfik Senobis akiliisinnaajunnaartutut nalunaarutigineqarpoq. Næstved.nu allappoq.

Senobis juullerpaluttunik nioqqutissanillu tuniniaasutut inissisimagaluarpoq, nunatsinnut tunisatik ateqartillugit 'Pitsaasut'.

Thomas Skov Nielsen suliffeqarfimmi pisortaavoq. Senobis nioqqutissap sananeqaataanik nassuiaataanik kalaallisuunngortitsisarluni, suliffeqarfik 2007-mi aallartilluni.

Suliffeqarfik ineriartupiloorsimagaluarluni akiliisinnaajunnaartutut nalunaarutigineqarpoq. Senobisip suliffeqarfiutaa Euro-Outlets aamma akiliisinnaajunnaartutut nalunaarutigineqarpoq. Suliffeqarfiup taanna, Kalaallit Nunaanni pisiarineqarsimanngitsut Danmarkimi tuniniaqqittarpaat.

Powered by Labrador CMS