Skip to main content

KNI aarlerisaarivoq: Nioqqutissaateqarniarneq ajornartoorfiusinnaavoq

Upernavimmut eqqaanullu aamma Uummannamut eqqaanullu nioqqutissanik apuussiniarneq eqqarsaatigalugu, sukkasuumik aaqqiinissamut periarfissaqarpasinngilaq

Niuernermik ingerlatsivik Namminersorlutik Oqartussanit pigineqartoq KNI aarlerisaarivoq, Upernavimmut eqqaanullu aamma Uummannamut eqqaanullu nioqqutissanik apuussiniarneq sikuujartornera pissutigalugu ajornartoorfiusinnaasoq.

Maanna sikuunerujussua pissutigalugu Royal Arctic Line nioqqutissanik apuussiffissaminut apuunnaveeqqavoq.

Ilungersunarsisinnaasoq
KNI naapertorlugu, kitaata avannaanut assartuinerup taama eqqorneqarnerani aamma isiginiagassaavoq ilungersunartoq alla, tassalu nioqqutissat piffissami sivitsortumi Aasianni RAL-imi uninngasuutaasut amerlavallaalersimanerat, tamannalu ilaatigut Aalborgimiit nassiussanik ulikkaarussaasaqattaarneq aammalu Aasianni uninngasut katersuunnerannit pisimavoq.

- Pingaarnersiuineq pillugu Royal Arctic Linelu pitsaasumik oqaloqatigiippugut, naatsorsuutigaarpullu nioqqutissat apuunnissaannut Royal Arctic Linep sapinngisani tamaat periarfissarsiuutissagaatigut, RAL-immi imaatigut nioqqutissanik assartuussissunnaanngippatsigut pissutsit ilungersunarsisinnaapput, nioqqutissanik piniartarnermut nittarsaassinermullu pisortaq Kurt Lauritsen oqarpoq.

Atuaruk: Siku issusooq Avannaani ajornartorsiortitsivoq

Kinguaattooqqasut
KNI aamma naapertorlugu Royal Arctic Linep assartuutaani atortunik ajutoortorqarnera pissutigalugu umiarsuaatileqatigiiffik aamma Qeqertarsuup Tunuani assartuussinermini kinguaattooqqanerata tamanna pitsaanerulersinngilaa.

- Pisumut tunngatillugu taakkulu kingunerinut pisisartutsinnullu persaqusersuutaasinnaasut KNI-p assorsuaq ajuusaarutigai, persaqusersuutaasinnaasulli annikinnerpaatinniarlugit tamaviaarpugut, Kurt Lauritsen tusagassiuutinut nalunaarummi ilanngullugu oqarpoq.

Ukiussamut peqqumaasersornerit – sikusartumiittut eqqarsaatigalugit - Royal Arctic Line A/S-ip angallavissatut ‘qularnaatsutut’ nalunaaqqasaanut umiarsuarnut assartorneqarnissaat inissinneqarsimapput, umiarsuillu tikiffissaannut arlariinnut agguataarneqarnikuullutik, tamatumani nioqqutip suunera piunertussusaallu eqqarsaatigalugit agguataarneqarsimallutik. 

Nioqqutissat inuussutissat kiisalu nutaat ullussakinnerusut ukiumut umiarsuup kingulliusussap siulianut kingullermullu tikittussanngorlugit assartugassanngortinneqartarput.

Atuaruk: Siku RAL-imut ajornartorsiortitsivoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER