Skip to main content

KNAPK: Piniarnermut inatsit isumaqanngilaq

KNAPK-p siulittaasuata, Henrik Sandgreenip, Naalakkersuisut isornartorsiorpai. Qilalukkanut qernertanut immikkut pisassiisimanermut suliaq iluarinngilaa. Inatsip atortup qanoq naleqartiginera maanna apeqquserpaat.

- Piniarnermut inatsit 1999-imeersoq pappialami allagaannaavoq naleqanngitsoq.

KNAPK-p siulittaasuata, Henrik Sandgreenip, tusagassiutinut nalunaarutini taama aallartippaa. Tusagassiutinut nalunaarut sapaatip akunnerata siuliani qilalukkanik qernertanik pisasseeqqinnermi suleriutsimut tunngasuuvoq. Henrik Sandgreen nangilluni ima allappoq.

- Sapaatit akunneri kingulliit pisut takutippaat inatsisit malillugit oqariartuuteqarneq sunniuteqanngitsoq aatsaalli inatsisartut, tusagassiutit innuttaasunillu atsioqatigiissitsinerit aqqutigalugit Naalakkersuisunit tatisianninnikkut tusaaneqarnissaq aqqutissaasoq. Imaassinnaanerluniluunniit oqaaseqaatit danskit oqaasii atorlugit.

Iluaangusunneq

Aalisarnermut, Piniarnermut Nunalerinermullu Naalakkersuisoqarfiup tusarniuteqartarnerani, KNAPK-p qilalukkanut qernertanut pisassiissutit arlaleriarluni qaffanneqarnissaannik piumasaqartarsimagaluarpoq, iluaqutaanngitsumilli. Pisassiissutit maanna qaffanneqarput, aatsaalli tusagassiutit atsioqatigiinnerillu atorlugit tatisimannereernerup kingorna, tusagassiutinut nalunaarummi allassimavoq.

Henrik Sandgreenip iluaangaa tusarniaanermi nassuiaatitik Aalisarnermut, Piniarnermut Nunalerinermullu Naalakkersuisoqarfimmut tunniukkaangamikkit tusarneqartarsimannginneri.

Qilalukkat qernerat saniatigut uumasut piniagassat allat arlallit pisassiissutaannut tunngatillugu KNAPK-p qaffaasoqarnissaanut kissaatigisimasaralui nalunaarummini taakkartorpai, taakkuli aamma iluatsissimanngillat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER