Skip to main content

KNAPK-p nigartaqqoortussutsit allanngortikkusukkai

Qassutit nigartaqqoortussusaata minnerpaaffiata allanngortinneratigut qalerallit anginerusut aalisarneqalernissaat, KNAPK-p kissaatigaa. Tamannalu peqassutsimut innarleeratarsinnaasoq, biologi oqarpoq.

Kalaallit Nunaanni aalisarneq ilungersunartorsiorpoq, taamatullu qaleralinniarneq aamma inissisimalluni, KNAPK-p siulittaasua Henrik Sandgreen taama isumaqarpoq.

Aviisi Sermitsiaq taama allappoq.

Qassusersorlunili qaleralinniarnermi qassutsit nigaqqortussusaata maannakkut aaliangersaavigineqarsimatillugu, qalerallit mikivallaartut amarlavallaartullu pisarineqartartut, taamaattumillu nigartaqqortussutsit pillugit nalilersuisoqaqqittariaqartoq, KNAPK-p siuittaasua, Henrik Sandgreen isumaqarpoq.

- Ilaatigut corona pillugu ajornartorsiortoqarneranik aalisakkallu apparnerannik peqquteqartumik sinerissap qanittuani aalisartut annertuumik eqqugaaqqapput. Ajorluinnartumillu pisoqassappat, angallatit 6 meteriniit anginerisut ilaat akiliisinnaajunnaarnerannik tamanna kinguneqaratarsinnaavoq. Taamaattumik qalerallit anginerusut tulaassorneqarsinnaanissaat aningaasarsiornerullu pitsaanerunissaa aqqutissiunneqartariaqarpoq, Henrik Sandgreen oqarpoq.

Nigartaqqortussutsinilli minnerpaaffissarititaasup qaffanneqarneratigut, qaleraleqassuseq innarlerneqaratarsinnaasoq, Pinngortitaleriffimmi biologi isumaqarpoq.

Qaleralinniarnermi qassutit 95 millimeterinik nigartaqqortussusillit atorlugit aalisarnermi qalerallit arnavissat angutivissallu assigiikannertumik amerlassusillit pisarineqartartut, Pinngortitalerifimmi biologi Rasmus Nygård oqarpoq. Qassutillu taakku atussallugit maannakkut qaleraleqassutsimut qalerallillu angissusaannut tulluunnerusut, taassuma erseqqissaatigaa.

- 110 millimeterinik nigartaqqortussusillit atoraanni, taava pisat ikinnerussapput. Aammali taakku atorlugit aalisaraanni arnavissat angisuut amerlanerujussuit pisarineqartalissapput, suffisarnerallu eqqarsaatigissagaanni tamanna isumatusaarneruvallaarunanngilaq, taanna oqarpoq

Aviisimi Sermitsiami atuarnerusinnaavutit. Aviisi uani pissarsiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER