KNAPK nutaanik ilaasortaqalersoq

KNAPK piffissami aalajangersimasuni isertitassaraluaminik aamma sineriarmmut qanittumi raajarnianik ilaasortaminik annaasaqareersimalluni maanna nutaanik ilaasortaqalerpoq.

KNAPK-p Siulersuisuuneri sisamanngornermi ulloq 5. maj 2022-mi ataatsimiipput, tassanilu Siulersuisuunerit ilaatigut peqatigiiffiup kattuffimmut ilaasortanngorniuteqarnera akuersissu tigineqassoq aalajangersimavaat, KNAPK tusagassiorfitsigut nalunaaruteqarluni taamatut ilisimatitsissuteqarpoq.

Aalisartut Ingerlariaqqikkusuttut Peqatigiiffiat (AIP) taamaasilluni ilaasortanngorpoq, taamaasillunilu peqatigiiffik KNAPK-p immikkoortortaqarfii allat assigalugit inissisimalerluni.

Ilaasortanik annaasaqarsimasoq

KNAPK februaarip qaammataani raajarniat peqatigiiffiat kattuffimmit anilluni nammineq kattuffiliormat ilaasortanik annaasaqarsimavoq.

Raajarnialli allat peqatigiiffiata AIP-p KNAPK-mut ilaasortanngornissaq aalajangersimavaat, tamannalu KNAPK-mi siulittaasumit nuannaarutigineqarpoq:

- Piffissami raajarniat februarip 2022-p kingorna kattuffimmiit aninerat annertuumik sammineqarpoq, maannakkullu piffissanngor poq raajarniat allat KNAPK-mut ilaasortanngornissaannut. Tamanna nuannerpoq aalisartut KNAPK-mut ilaasortatut ilanngussuutilermata, taakkumi nunatsinni raajarniarnermi anner tunerusumik pisassaqalernissaat pillugu sulineq aaqqissuunneqartariaqalermat. KNAPK-miit aalisarneq pillugu inatsisip nutarterneqarnissaa pillugu suliap tamakkiunneqarnissaa sulissuti gineqalerpoq, tassanilu raajanik pisassat agguaanneqarneqartarnerat sukumiinerusumik misis suataarneqartariaqalerpoq, KNAPK-mi siulittaasoq Nikkulaat Jeremisssen oqarpoq.

- AIP-p KNAPK-mut ilaasortanngornera nuannaarutigaarput, taakkulu KNAPK-mut nukittorsaataajumaartut qularinngilarput, Nikkulaat Jeremiassen naggasiivoq.

KNAPK taamaasilluni nunami tamarmi ullumikkut 70-inik immikkoortortaqarfeqalerpoq.