Skip to main content

KNAPK-mi siulittaasoq: Kujataani tunitsivit ineriartortinneqartariaqarput

Kommuni Kujallermi umiatsiaararsorlutik aalisartut saarullinnik ullormut tre tonsinik pisaqarsinnaapput. Ajoraluartumilli ullut arfinilikkaarlugit aatsaat tunisaqarsinnaallutik. KNAPK-mi siulittaasunngorlaaq isumaqarpoq, aalisarnermik inuussutissarsiuteqarneq ineriatortinneqassappat pissutsit marluk iluarsineqartariaqartut.

Kommuni Kujallermi aalisartut tunitsivissaqannginnamik inuussutissarsiumminnik ineriartortitsiuminaatsitsipput. Tunitsiviit ullut arfinilikkaarlugit aatsaat aalisakkanik nutaanik tigusaqarsinnaasarput.

 

Jens Peter Kielsen, Qaqortumi aalisartut peqatigiiffianni siulittaasoq.
Nina-Vivi Møller Andersen / Sermitsiaq.AG

- Tunisisinnaaneq killeqartillugu aalisariutitsinnik inerisaaniarluta atortunik pisariaqartunik pisiaqarnissarput soorunami uatsinnut ajornakusoorpoq. Tunisaqarnerusinnaasuuguma aningaasaliissuteqarnerunissannut periarfissagissaarnerussagaluarpunga, aalisartoq naukkamilu aalisartut peqatigiiffianni siulittaasoq Jens Peter Kielsen oqaluttuarpoq.

KNAPK-mi siulittaasunngorlaap Nikkulaat Jeremiassenip kujataani aalisarnerup ineriartortinneqarnissaanut akorngutaasut marluk takusinnaavai.

- Tunitsiviit ineriartortinneqanngippaa aalisartut aalisarnerusinnaanngillat. Aalisartulli aningaasaatitik kaaviiaartissappatikkit tunitsiviit aalisartut isertitaqarnissaat qulakkeertussaavaat. Taamaammat Kommuni Kujalleq Naalakkersuisunit immikkut isiginiarneqartariaqarpoq, kujataanimi aalisarneq ukiuni arlalinni ineriartortinneqarsimanngilaq, Nikkulaat Jeremiassen Sermitsiaq.AG-mut oqarpoq.

Ajortumik ingerlajuartoq

Nikkulaat Jeremiasseni isumaqarpoq, kujataani aalisartut aalisariutiminnik nutarsaanissamut katataaqqasut. Aalisariutinik ulluni arlalinni avataani aalisarsinnaasunik pisiaqarnissamut akissaqanngillat.

- Sineriammut qanittumi aalisartoqartillugu umiatsiaaqqat atorneqartarput, anginerusunillu angallateqanngikkaanni avataanut aalisariartoqarsinnaanani. Kujataani aalisarneq ajortumik ingerlajuarpoq. Aalisariutini anginerusuni aalisarnissamut akissaqanngippata, tunitsiit isertitaqarnerulersinnaanngllat, KNAPK-mi siulittaasoq oqarpoq.

- Aalisagakippallaarpammi?

- Isumaqarpunga aalisagakippallaartoqarneranik oqassagutta piviusorsiortuunngitsoq. Silap pissusaata allanngoriartornerata malitsigisaanik aalisakkat assigiinngitsut takkutissapput. Aalisakkat allat tammaraangata allat takkuttarput. Tamanna aamma eqqaamasariaqarparut, Nikkulaat Jeremiassen oqarpoq.

KNAPK-p siulittaassuata erseqqissaassutigaa, nunap kujasinnerusortaani aalisartut pitsaanerusumik atugaqalernissaat qulakkeerniarlugu Naalakkersuisut iliuuseqartariaqartut.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER