Skip to main content

KNAPK: Avaleraasartuut pillugit isumaqatigiissut sussaanngilluinnarpoq

Sulisitsisut Kattuffiata GA-p isumaqatigiissut isumaqatiginngilaat, aamma KNAPK-mit EU-p avaleraasartuut pillugit isumaqatigiissutaat isumaqatiginagu nalunaarput

Kalaallit Nunaanni Sulisitsisut Kattuffiata GA-p EU-p avaleraasartuunik aalisarnissamut isumaqatigiissutaa isornartorsiorpaat, tassani Island nunarpullu avaleraasartuunik aalisarnissamut peqataatinneqanngimmata kiisalu Savalimmiormiut annertuumik pisassinneqarlutik, tamannalu isorineqarpoq.

Nunani avannarlerni aalisarnissamut isumaqatigiissut EU-mit, Norgemit Savalimmiormiunillu isumaqatiginninniartoqareersoq nunat taaneqartut isumaqatigiipput. 

KNAPK-mi pisortap Petrus H. Biilmannip pisortallu tulliata Tønnes ’Kaka’ Berthelsenip taama isumaqatigiittoqarnera isornatorsiorpaat, tassami isumaqatigiissutigineqarpoq EU avaleraasartuut 611.205 tonsinik aalisarsinnaasoq, Savalimmiut 156.240 tonsit, Norge 279.115 tonsit kiisalu NEAFC (North East Atlantic Fisheries Commissio) avaleraasartuunik 42.537 tonsinik aalisarsinnaammata. 

Nunatsinnit akuersaarneqarsinnaanngitsoq
- Isumaqatigiissut uagut isitsinniit sussaanngilluinnarpoq. Maluginiartariaqarpoq nunarput NEAFC ataani kisitsisinut ilaatinneqartarmat, taakku pisassaat annertussuseqarpoq 42.537 tons tassalu agguagassat. Island-ip atsioqataanngilaq taamalu NEAFC-ikkunni agguaasussanut aamma ilaasussaassaq. Siorna Islandimut 90.000 tonsinik ikinnerunngitsunik tulaassipput, KNAPK-mit Petrus H. Biilmann aamma Tønnes Berthelsen oqarput. 

Nunat NEAFC-imi peqataasut tassaapput  Danmark - nunarput Savalimmiullu ilanngullugit - EU, Norge, Island Ruslandilu.

- Eqqaamassavarput uagut misileraalluta avaleraasartuunik pisaqarniarluta suaaruteqarnikuugatta TAC 100.000 tonsit. Tassa NEAFC pisassai pillugit sorsuttungaatsiarnissaa siulittuutigiinnarsinnaavarput, KNAPK naliliivoq.

Paragraffi ajornartorsiortitsisoq
- Isumaqatigiissummut atatillugu paragraf 7.7 assut ajornartorsiortitsisussaavoq, tassani naqissuserneqarpoq, atsioqatigiit pisussaaffilertut soorlu Savalimmiormiut angallataatitik nunanut allanut attartortinneqassanngitsut. Tamatumunnga atatillugu ilisimatitsissutaasinnaavoq umiarsuit maannamut avaleraasartoorniarnermi atorneqartartut nunanit taakkunanit attartorneqartarmata, Petrus H Biilmann Tønnes Berthelsenilu oqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER