KNAPK-mit aappaagumut aningaasanut inatsisissatut siunnersuut isorineqarpoq

KNAPK-mit Naalakkersuisut 2023-mt Aningaasanut Inatsisissatut Siunnersuutaat nuannarineqanngilaq, siulittaasup Nikkulaat Jerimiassenip oqaatigaa, aningaasanut inatisissatut siunnersuut 'piviusunngortikkusutanik imaqanngitsoq, sineriammullu qanittumi aalisarnermut ersarissumik saassussinerusoq.

- Tupinnarpoq piffissami ilungersunartorsiorfiusumi sinerissap qanittuani aalisarnerup unammillersinnaaneranut ajorseriaatinik aammalu inuussutissarsiummut nukillaarsaataasinnaasunik sipaarniutit imaqarmata, siulittaasoq oqarpoq.

Naalakkersuisut aningaasanut inatsisissatut siunnersuumminni sineriammut qanittumi aalisartunut piniatunullu siunnersorteqarfik sipaarniarfigineqassasoq.

- ’Tamanna sutigut tamatigut isumaatsuliorneruvoq siunnersorteqarfik taamak pingaaruteqartigisoq sipaarniarfiginiarneqarmat, taannami aalisartunut piniartunullu annertuumik sunniuteqarpoq. Sipaarniarneq allatut isigineqarsinnaanngilaq sinerissap qanittuani aalisarnermik nungutitsiniaanertut allaat oqaatigineqartariaqarluni.

Skal være et neutralt organ

KNAPK Siunnersuisarfimmit KONFIFA-mit aningaasanut inatsimmit 2,2 millioner koruuningajalluinnarnik tapiiffigineqarluni siunnersorneqartarpoq.

Aalisarnermulli Piniarnermullu Naalakkersuisup erseqqissaassutigaa, siunnersorteqartarneq sipaarniarfigineqarnianngitsoq.

- Aaliasarnermut Piniarnermullu Naalakkersuisoqarfimmit KONFIFA-p Naalakkersuisoqarfimmut utertinneqarnissaa siunnersuutigineqarsimavoq.

KNAPK-milli sipaarniuteqarnissamik siunnersuut aningasanut inatsisissatut siunnersuummut sooq ilanngunneqarsimanersoq paasiuminaatsinneqarpoq.

- Sipaarniarneq annertuumik killuussinertut oqaatigineqarsinnaasoq, siulittaasoq isumaqarpoq, tassani aalisarnermut piniarnermullu naalakkersuisup KNAPK-mi siusinnerusukkut suleqataasarsimanera tunngavilersuutigalugudligere.

Karl Tobiassenilli oqaatigaa aalisartunit isornartorsiorneqartartut iluarsiissuteqarfiginiarlugit aaqqissueqqittoqarsimasoq.

- Naalakkersuisoqarfimmit aalisarnermi kattuffinnit allanit saaffiginnissutinik tigusaqartarsimavugut, taakku aalisartunut piniartunullu siunnersorteqartarneq kattuffimmit ataasiinnarmit ingerlanneqartariaqannginnera oqaatigisimavaat, arlaannaannulluunniilliuna attuumassuteqartoqannginnissaa tunngavigalugu suliassamut tunngaviusut ilaat allanngortinneqarsimasut.

Naalakkersuisumut isornartorsiusoq

Sipaarniuteqarnissamik siunnersuut aningaasanut inatsisissatut siunnersuummut sooq ilanngunneqarsimanersoq KNAPK-mit paasiumiunaatsinneqarpoq.

- Sipaarniarneq annertuumik killuussinertut oqaatigineqarsinnaasoq, siulittaasoq isumaqarpoq, tassani aalisarnermut piniarnermullu naalakkersuisup KNAPK-mi siusinnerusukkut suleqataasarsimanera tunngavilersuutigalugu.

KNAPK-mut ajornartorsiutaasoq alla tassaavoq, saarullinnut akigititat appariartorneri.

- KNAPK aasap ingerlaneranili Inatsisartunut Naalakkersuisunullu saarullinniarnerup ineriartornera pillugu oqariartuuteqartaqattaarpoq, tassami saarulliit avammut nioqqutiginerini annertuumik iluanaaruteqarfiusut, tulaanneqarneranni akit appasissorujussuupput.

Ingen hjælpepakke endnu

KNAPK-mit oqaatigineqarpoq, tamanna pillugu sinerissap qanittuani aalisarnermut immikkut ikiorsiisoqarnissaanik Naalakkersuisut qinnuigineqarsimasut, naalakkersuisunilli tusaaniartoqarsimanngitsoq. Kattuffimmit sineriammut qanittumi aalisartut uuliamut tapiissutitigut ikiorserneqartarnissaanik kissaateqarneq maajip qaammataani saqqummiunneqarsimavoq, tassani 9,8 millioner koruunit missaannik naleqartunik tapiiffigineqarnissaq qinnutigineqarsimalluni. Tamannali Naalakkersuisuniit manna tikillugu tusaaniarneqarsimanngitsoq oqaatigineqarpoq.

- Akisussaassuseqanngitsumik pissusilerneruvoq Naalakkersuisut piffissami ajornartoorfiusup nalerpiaani sinerissap qanittuanut kissaatinik tusaanianngippata, siulittaasoq oqarpoq.

Siulittaasup oqaatigaa, KNI-p akigititassatut isumaqatigiissutai pissutigalugit uuliap akia nunami maani appasittuarnerusimasoq nunanit allanisuulli qaffrakkiartulerpat, sineriammut qanittumi aalisartut atugaat suli ajornerulissasut. Karl Tobiassenimilli oqaatigineqarpoq, 2023-mi tamarmi uuliap akiata allannguuteqannginnissaa qulakkeerneqarsimasoq.

- Naalakkersuisunit aningaasat naleerukkiartorneranni akillu allanngoriartorneranni qanoq imissisimasoqarnersoq malinnaaffigiuarpaat, Polaroilillu akigititassanik isumaqatigiissutai 2023-p naanerani atorunnaarpata, ikummatissamt akigititaq qaffakkiartulissappat nalilersuisoqarumaarpoq, Karl Tobiassen oqarpoq.