KNAPK aamma Namminersorlutik Oqartussat aaqqiagiinngiffeqartut
KNAPK-p NAFO-mi (Northwest Atlantic Fisheries Organization) alaatsinaattutut inissisimanera Namminersorlutik Oqartussanit akornusersorniarneqartoq KNAPK isornartorsiuivoq. Aalisarnermut Piniarnermullu Naalakkersuisoqarfik isornartorsiuisoqarnera akissuteqarfigineqarpoq.
Meeqqerivinni kisimi susoqarsimaneranik pisuutitsiniartoqarneq ajorpoq. Sumiluunniit tamanna pisinnaasarpoq, aaqqiagiinngissutillu pitsaanerusumik aaqqiissuteqartarsinnaagaluarlutik.
KNAPK-p NAFO-mi alaatsinaatsutut inissisimalernissaa Namminersorlutik Oqartussanit akornusersorniarneqartoq KNAPK isornartorsiuivoq.
- KNAPK-p NAFO-p ukiumoortumik ataatsimiinnerani peqataanera assigiinngitsunik misigisaqarfiuvoq, tassami Namminersorlutik Oqartussat aalisarnermut kattuffissuarmi KNAPK-p alaatsinaatsutut inissisimalernissaa akornusersorniarneqarmat. Naak KNAPK alaatsinaatsutut inissisimalernissaa nalunaarutigineqareeraluartoq akuersissutigineqareeraluartorlu Aalisarnermut Piniarnermullu Naalakkersuisoqarfik suut tamaasa atorlugit kinguarsaaniarsarivoq, KNAPK-mi siulittaasoq Nikkulaat Jeremiassen tusagassiutinut nalunaarummi oqarpoq.
Eqqunngitsoq
Taamatut isornartorsiuisoqarnera eqqortuunngitsoq oqariartuutigineqarpoq.
- Aalisarnermut Piniarnermullu Naalakkersuisoqarfiup sakkortunerpaamik KNAPK-p NAFO-imi (Northwest Atlantic Fisheries Organization) alaatsinaatsutut peqataa-salerumalluni kissaateqarsimaneranut illua’tungiliisimaneraaneranut pasilliutai eqqartuunngimmata oqaatigineqassaaq, Aalisarnermut Piniarnermullu Naalakkersuisoqarfik tusagassiutinut nalunaaruteqarpoq.
- Taamaattoq Aalisarnermut Piniarnermut Naalakkersuisoqarfik sapinngsani tamaat pitsaasumik KNAPK NAFO-imi alaatsinaatsutut peqataasalerusulluni kissaateqarneranut atatillugu maleruagassat aamma suleriaatsit pillugit ilitsersorluarsimavaa aamma NAFO-mi ukiumoortumik ataatsimiittarnerni suliat suut pillugit suliaqartoqartarneranut ilanngullugu.
Susoqarpiarsimanersoq paasissallugu taamaattumik nalunarpoq. Taamaattoq ammasumik taamatut isornartorsiuisoqarnera ulluinnarni takussaaneq ajorpoq, suliammi taamaattut matuni matoqqasuni naammassineqartaraluarput.
Suliaq puffannartoq
KNAPK sooq taama qisuariaateqarnersoq Aalisarnermut Piniarnermullu Naalakkersuisoqarfik nassuiaateqarpoq.
NAFO-p ukiumoortumik ataatsimiinnissaanut alaatsinaatsutut peqataassalluni qinnutigineqarnissaanut maleruagassat malillugu ataatsimiinnissaq tulleq sioqqullugu ullut 100-t nallertinnagit qinnuteqaatigineqareersimasussaapput. KNAPK-p piffissaritaq taanna naammassisinnaasimanngilaat taamaammallu NAFO-p ukiumoortumik ataatsi-miinnissaani alaatsinaatsutut aatsaat 2023-imi peqataasinnaammata.
- Naalakkersuisoqarfiup KNAPK ukioq manna ukiumoortumik ataatsimiinnissamut Nunatta aallartitaannut peqataasussatut aggersarsimanngikkaluarpagit, peqataasinnaasimas-sanngikkaluarput, Aalisarnermut Piniarnermullu Naalakkersuisoqarfik allappoq. Suliaq sooq tusagassiutinut ingerlateqqinneqarsimanersoq ilaatigut paasiuminaatsinneqarpoq.
- KNAPK-p NAFO-imi alaatsinaatsutut peqataasalerniarnerminnut suliartik paatsoorsimassavaat. KNAPK suli ilitsersorneqarnissaminnik pisariaqartitsissaguni Naalakkersuisoqarfimmut tamanna pillugu saaffiginnissuteqaqqissinnaanissaannut tikilluaqquneqarput, taamaattorli tusagassiorfiit avaqqullugit tamanna pisinnaappat kissaatiginarluni.