Skip to main content

Kjoli puisip amianik tuilik pinnernerpaat ilaattut toqqarneqarpoq

Nukâka Coster-Waldau haute couture kjolia, Jesper Høvringimit ilusilersorneqartoq, amerikami mutinik allaaserinnittartunit kusanarnerpaatut toqqarneqarpoq tusagassiortut peqatigiiffiata nersornaatinik agguaanerani

Great Greenland aamma Jesper Høvringip haute couturekjoliutaat, arfininngormat Nukâka Coster-Waldauimit atorneqartoq, amerikami nuannarineqarpoq.

Arfinninngormat Det Hvide Husimi tusagassiortut peqatigiiffianni, White House Correspondents Associationimi, nersornaasineqareermat amerikami mutinik aviisi allaaserinnittartoq Vanity Fair-p kjolet assuaatigineqartut qulit kusanarnerpaat toqqarpaat. Taakku akornanniippoq Nukâka Coster-Waldau-ip couturekjolea, haute couture designerimit Jesper Høvringimit ilusilersorneqartoq.

Kjole pinnersorsuaq qasertoq qernertumik puisip amianik tuilerneqarsimasoq, siullermeerlugu takutinneqartoq Københavnimi mutinik takutitsinermi januarimi ingerlanneqartumi, tusagassiivinnik nersornaasiinermilu peqataasunik maluginiarneqarluarsimavoq.

Atuaruk: Aappariit Coster-Waldau Obama nereqatigaat

Isiginnaartitsisartup Nukâka Coster-Waldau-ip alutorineqarnerujussuaq nuannaarutigaa.
- Unnuk taanna inunnit atuualaarneqaqaanga. Inuit puisip amia attorusuttarpaat. Qasseriarnerpungalu Jesper Høvring’ ‘Great Greenland’-ilu taasaqattaarlugit, isiginnaartitsisartorsuup nunarsuaq tamakkerlugu tusaamasaasup Nikolaj Coster-Waldau-ip nulia taama oqaluttuarpoq.

Jesper Høvring tanngassimaartoq
- Toqqagaaneq tanngassimaarutigalugulu nuannaarutigeqaara. Kjoli Great Greenlandip mutinik saqqummersitsinissaamut januarimi ingerlanneqartumut sanaaraara. Puisip amia pissanganartuuvoq allanillu allaanerussuteqarluni suliaralugu, Jesper Høvring nuannaarluni Sermitsiaq.AG-mut oqarpoq. 

Takukkit toqqakkat allat uani

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER