Skip to main content

Kivitsisa angerlarsimalluni atuartitsinissamut piareerpoq

Atuarfiit atuartunut, inuiaqatigiinni pisariaqartinneqartunik suliffeqartunik angajoqqaalinnut, ammatinneqartussaagaluartoq, taamaattoq nunatsinni atuartut untritilikkaat ataasinngorpamiit angerlarsimallutik atuartinneqalissapput. Kommunit suleqatigiissutaat Kivitsisa atuartitsinissamut piareersimavoq.

Atuarfiit ataasinngorpat nalunaaqutaq 8.00 isaallutik sianerpata, nuna tamakkerlugu atuartut untritilikkaat angerlarsimaannassapput.

Ukiuunerani atuanngiffeqartoqanngikkaluarpoq. Naalakkersuisulli oqarmata atuartunut angerlarsimasinnaasunut atuarfik matoqqagallassasoq. Sapaatit akunnerni marlunni tulliuttuni, tunillatsissinnaaneq minnerpaaffisaamiitinniarneqarpoq.

Atuartorpassuarnut Ipad atuarfimmut attaveqaataalissaaq, suliassat tassuuna tunniunneqartalissagamik utertinneqarsinnaallutillu. Kommunit Ipad pillugu suleqatigiissutaat atuartitsinissamut piareersimavoq.

- Sapinngisarput tamaat isumannaarniarsarivarput, atuartut ilinniartinneqartuarsinnaanissaat.
Pilersaaruteqarpugut, ilinniartitsisullu atuartut malittaralugillu ikorfartorniarsariniarpaat.
Qujanartumillu Kivitsisa tunngavigalugu pitsaasumik periarfissaqarpugut. Kommunit suut tamaasa akimorlugit qanimut suleqatigivagut, tassa atuarfinni Ikiortit aqqutigalugit, taakkumi digitaliusumik
atuartitsisinnaanissamut il.il ilinniartitsisoqatit ikiussammatigit, Aka Grønvold, Kivitsisamut siulittaasuusoq tusagassiutinut nalunaarummi oqarpoq.

Ipad atorluarneqassaaq

Nunatsinni atuarfiit amerlasuut atuartitsinermi Ipad atortareerpaat. Atuartut  misissuillutillu, pilersitsillutillu ilisimalikkaminnik avammut siammartiterisassapput. Filmit, allatat, assilisat, I-bogit, titartaganngorlugit takutitassiat allallu atuartut suliarisassavaat.

Suliat taakku angerlarsimaffimmi atuartitsinermut ingerlateqqinneqassapput.

- Tamakku tamarmik oqimaaqatigiissagaasumik atorneqassapput angujumasat piviusullu naapeqatigiissinniarnerini akunnermilu naatsorsuutigineqartut iluini. Aallaaviginiarparpummi Kivitsisap ilinniar-titseriaatsinut piareersagaanera, Aka Grønvold, Kivitsisamut siulittaasuusoq oqarpoq.

Ilinniagassanut mappe

IPad-imi app-eqarpoq angajoqqaat maanna ilikkareersinnaasaannik. Appi ateqarpoq Showbie, taannalu atorlugu ilinniartitsisut suliassanik ilisisassapput.

Atuartut suliaqareeraangamik suliat utertissinnaavaat, allanillu pissarsisassallutik. Suliassat tiguniaraanni internet atorneqartariaqarpoq, sulialli interneteqarnani suliarineqarsinnaallutik.

Atuartut internetimut attaveqarnissamut periarfissaqanngitsut pillugit kommunit immikkut pilersaaruteqareerput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER