kinguaattoornerit

Kitaata sineriaani anorersuaq tallimanngornermi timmisartornissanik kinguartitsiviuvoq

Ilaasut 200-t sinnerlugit eqqugaassasut, Air Greenland ilisimatitsivoq

Ilulissat mittarfiani Dash-8 assilineqarpoq

Tallimanngorpat Kalaallit Nunaata kitaata sineriaata annersaani anorersuarnissaa silaannaallu aalarulunnissaa aarlerisaarutigineqarpoq, tamanna Air Greenlandip timmisartuussinerinik tamanik arfininngornermut kinguartitsineranik kinguneqarpoq.

200-t sinnillit eqqugaassapput
Ilaasut 200-t sinnerlugit aqagu angallannissat arfininngorpamut kinguartinneqarpata eqqugaassapput. Tamatuma peqatigisaanik arfininngornermi angallannissat pilersaarutaasut sapaatiuppamut kinguartinneqariaannaapput.

Nassiussat apuutissapput
Aamma allakkat nassiussallu tallimanngornermi nassiunneqartut arfininngornermi apuunnissaat naatsorsuutigineqarpoq.

Ilaasut eqqorneqartut allannguutit pillugit sms-ikkut, mailikkut sianerfigineqarnermikkulluunniit nalunaarfigineqarput.

Tamatuma saniatigut ilaasussat tamarmik timmisartut aallarnissaat pillugit www.airgreenland.gl aqqutigalugu malinnaaqqullugit kajumissaarneqarput.

Powered by Labrador CMS