Nuummi tusarnaartitsineq

Kissaatigisaq piviusunngortoq: Lukas Graham tikilerpoq

Ullorsiutini nalunaaqutsiigit. Lukas Nuummukalerpoq

Trine pilluarit, maanna tikilerpoq

Ukiut pingasut matuma siorna Trinep Nuummeersup Facebookimi tamanut saqqummiuppaa, Lukas Graham Nuummi nipilersortillugu takunnikkumasut amerlasuut akornanniilluni. Danskimut erinarsortartumut nunarsuarmi tamani ilisimaneqartumut taanna nammineq qaaqqusivoq.

Maanna Trinep kissaataa kiisami piviusunngorpoq: Lukas Graham Nuummi aasaru tusarnaartitsissaaq. Tassa juunip 20-anni.

Tamanna Nanoq FM-ip pilerisaarutaani takuneqarsinnaavoq. Radiokkut aallakaatitsivoql Kommuneqarfik Sermersooq, Heca Nuuk aamma Air Greenland suleqatigalugu aaqqissuussisuupput.

Trinep soorunami pilerisaarut Facebookimi quppernermini ingerlateqqereerpaa.

Powered by Labrador CMS