Kisitsisit: Suliffissaaleqineq aamma sulisorineqarsinnaasut 2018-mi ima isikkoqarput
2018-imi agguaqatigiissillugu qaammammut sulisorineqarsinnaasut 27.231-iusimapput, Naatsorsueqqissaartarfimmit kisitsisit nutaat takutippaat
Nunatsinni sulisinnaassuseq 2017-mit 2018-mut ataavartuusoq kisitsisit nutaat takutippaat.
Tassami agguaqatigiissillugu qaammammut sulisorineqarsinnaasut 27.231-iusimapput 2018-mi. Taakkunannga 25.649-t sulisimapput 1.582-it suliffissaaleqisimasut.
- 9.289-it sulisorineqarsinnaasimanngillat, taakku najugaqavissut 18-it 65-illu akornanni ukiullit sisamararterutingajarivaat, Naatsorsueqqissaartarfik allappoq.
2017-imut sanilliullugu 2018-imi sulisorineqarsinnaasut 40-nik ikinnerupput. Angutit sulisinnaasut 2018-imi 100-inik ikiligaluartut arnat sulisinnaasut 58-inik amerlatsipput, takuuk takussutissiaq 2. Illoqarfinni sulisinnaasut inunnik 23-nik amerlatsipput nunaqarfinni sulisinnaasut 64-inik ikilisut.
- 2016-imut sanilliullugit 2017-imi aamma 2018-imi sulisorineqarsinnaasut amerlatsipput, 2017-imi januaarip aallaqqaataani utoqqalinersiaqalersussat ukiui qaffanneqarneri pissutaalluni sulisorineqarsinnaasut ukiui 65-iniit 66-inut qaffanneqarmata sulisorineqarsinnaasut ilammata.
Sulisorineqarsinnaasut suiaassutsinut najugaqarfinnullu immikkoortillugit: