Skip to main content

Kisitsisitigut paasissutissat: Raajat akii appariarujussuarsimasut

Coronap ajornartorsiortitsinera ukiup qaammataani pingasuni siullernerni raajat akiinut immikkut ittumik kingunerlutsitsisimavoq.

Kalaallit Nunaanni Naatsorsueqqissaartarfimmit qalerallit, saarulliit raajallu ukiup qaammataani pingasuni siullerni akiisa naatsorsorneqarsimanerat tamanut saqqummiunneqaqqammerpoq.

Kisitsisitigut paasissutissat naapertorlugit, coronap ajornartorsiortitsinera raajat akinnut kingunerluuteqarsimavoq, 2019-imi piffissamut pineqartumut sanilliullugu 12 procentimik akikinnerulersimagamik.

Aamma saarullinnut akigititat appariarujussuarsimapput, siornamut sanilliullugu ni pocentimik akikinnerulersimagamik.

Qaleralinnut akigititat fire procentit missaannik qaffariarsimasut pitsaanerulersimapput.

Siulersuisuni siulittaasoq: Piumaneqarneruleriartorput

Naatsorsueqqissaartarfiup agguaqatigiissillugu kiilumut akinik naleqqersuutinik naatsorsuinermini, nunatta avammut niuernerani akit annertunerusumik atorsimavai, ilaatigut tunisassiortut anginerit akigititaannik tapertaqartartillugit.

Polar Seafoodip siulersuisuini siulittaasup Henrik Lethip sapaatip akunnerata siuliani oqaluttuaraa, raajat ukiup aallartinnerani piumaneqarpallaarunnaarsimallutik, maanna piumaneqaqqikkiartulersimasut:

- Raajanut akigititat coronap ajornartorsiortitsilinnginneranit suli appasinnerupput, piumaneqaqqikkiartulerpulli, Henrik Leth oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER