Skip to main content

Kisitsisit pingaarutillit utaqqisitsisut

Ukiuni arlalinni akiliisarnermut oqimaqatigiissaarinermut kisitsisinik takussutissiisarnissamik kissaateqarneq 2018-imi kinguarteqqinneqarpoq, sulisunik amigaateqarneq pissutigalugu.

Naatsorsueqqissaartarfiup ukiumut 2018-imut nalunaarusiamini ilisimatitsissutigaa, akiliisarnermut oqimaaqatigiissaarinermut kisitsisit tunniunneqarsinnaannginnerinut sulisunik amigaateqarneq pissutaasoq, tamanna ukiuni arlalinni kissaatigineqarsimagaluarpoq.

Sulisut 15-it

Ukiup nikinnerani Naatsorsueqqissaartarfimmi sulisut 15-iupput, taakku 2019-ip ingerlanerani ukuninnga tunniussipput:

  • Ukiumoortumik atuagaq
  • Aningaasaqarnikkut kisitsisit takussutissat 48-t
  • Inuit pillugit kisitsisit 30-t
  • Suliffeqarneq pillugu kisitsisit 41-t

Naatsorsueqqissaartarfik Aningaasaqarnermut Naalakkersuisoqarfiup ataaniittoq, maanna kvartalikkaartumik innuttaasunik naatsorsuinernik tunniussaqartarpoq, siornatigut ukiup affakkaartaraluarput.

Innuttaasut pillugit naatsorsuinerit 2018-imeersut periutsimik nutaamik tunngaveqarput, tikillutik aamma aallarlutik nuuttut naatsorsorneqarnerannik tamanna pitsaanerulersitsisoq, ukiumut nalunaarusiami ilisimatitsissutigineqarpoq.

Nutaarsiassat

Naatsorsuutinit nutaarsiassani allani piniarnermut allagartat ilaapput. Aammattaa ”Greenland in figures” saqqummersinneqarpoq, taanna saqqummersinneqartarsimasut akornanniippoq: ”Greenland in figures”aamma ”Statistisk Årbog”.

Suliassaqarfimmi ataatsimi kinguaattoorujussuartoqarpoq, taannalu takornarianut kisitsisinut tunngavoq. Tamanna ilaatigut mittarfeqarfiup it-nut atortuini ajornartorsiuteqartoqarsimaneranik pissuteqarpoq. Saqqummersitassat 12-t pilersaarutigineqartut tamarmik aatsaat 209-imi tamanut saqqummiunneqarput.

Isumaqatigiissut annertooq annaaneqartoq

Naatsorsueqqissaartarfiup 2018-imi nukissiornermut kisitsisinik tunniussisarnissamut isumaqatigiissut annaavaa, tamannalu isertitat tungaatigut sunniuteqarpoq, 2017-imi 2.062.000-nit 1,5 millioningajannik 588.000 koruuninut appariarfiulluni.

Naatsorsueqqissaartarfik aningaasanut inatsimmiippoq, tassani 2018-imut 10,617 millionit koruuninik immikkoortitsisoqarpoq, atuinerlu naatsorsuutigineqartumit 501.000 koruuninik ataatsimut isigalugu annikinneruvoq, tamatumalu saniatigut  1,061 millionit koruunit immikkoortinneqarsimapput.

Siulersuisunut siulittaasut ukuupput:

  • Vøgg Løwe Nielsen (siul.), siornatigut Danmarks Statistikimi allaffeqarfimmi pisortaasimasoq
  • Tønnes Berthelsen, KNAPK-mi pisortaq      
  • Kim Neumann Nielsen, Akileraartarnermut Aqutsisoqarfimmi pisortaq
  • Lulu Nielsen, Kommuneqarfik Sermersuumi siunnersorti
  • Mîtdlâraq E. Lennert, Ph.d-mik ilinniartoq
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER