Nersornaat

Kirsten Svendsen nersornaammik saqqarmiulerneqarpoq

Kirsten Svendsenip Dronningip saqqarmiuliuttagaanik KGH aamma Pilersuisumi marsimi 1971-imili sulilernini pillugu saqqarmiulerneqarpoq

Kirsten Svendsen uinilu, Jens Olsen Svendsen

Sisamanngorneq marsip 31-at Kirsten Svendsenimut ulloq immikkuullarissuuvoq. Tassami Dronningip nersornaammik saqqarmiuliuttagaanik sølvimik tunineqarpoq, taanna marsip 22-ani 1971-imi siullermik KGH-mi, kingusinnerusukkullu Pilersuisumi Upernavimmi sulilerpoq.

Saqqarmioq innuttaasut illuanni tunniunneqarpoq.

Erinarsoqatigiinneq
Nalliuttorsiorneq Kirsten Svendsenip ilaqutai aamma Upernavimmi Pilersuisumi suleqatai peqatigalugit ingerlanneqarpoq. Saqqarmiuliinerup kingorna erinarsoqatigiit EP 53-ip ilaatigut 'Sinniisiga' atorpaat.

- 16- iinnarnik ukioqarlutit pisiniarfiup silataani sulisussarsiortut takugakku ingerlaannaq iserlutit sulilersinnaanerlutit aperigavit ulloq taannarpiaq sulilersimavutit. Ukiut ingerlanerini assigiinngitsunik pisoqartaqartarsimavutit aaqqissuussaanerillu assigiinngitsorpassuit atugassarititaasut atorlugit sulisimallutit, sulinerilli ingerlatiinnarsimavat Upernaviullu pisiniarfiani aalajangersimasumik akuujuarsimallutit. Naak ilinniarsimasuunngikkaluarlutit sullerinnikkut sulinermillu nuannarinninnikkut suliassatit tamanit naammagineqartumik suliariuartarsimavatit. Sulisuuvutit pingaartinneqartoq – pingaartinneqartuarsimasorlu.

Assit: KNI-mi sulisumut saqqarmioq nersornaat

Powered by Labrador CMS