Skip to main content

Kirsten Mærsk: Ingerlaarneq nuannersimaqaaq 

Odensemi Kalaallit Illuanni Nunallu Atlantikup Avannaaniittut Illuanni pisortaasimasoq Kirsten Mærsk Kalaallit Nunaannut kalaallinullu tunngasunik ukiuni 24-ni suliaqarsimavoq 

– Suli ukiualunni ingerlaqqissinnaagaluarpunga. Uninnissamulli piffissanngortoq malugisimavara. Pissutsimmi ingerlalluarneranni unittussaavunga. Taamaammat aalajangernissaq nalunarsimanngilaq, Kirsten Mærsk qiimaqisoq aasaanerani juulip qaammataani Kertemindemi illup aasarsiortarfiup, Kirsten Mærskip aasaanerani ukiuuneranilu nalunnguarfigisartagaanut Storebæltimut isikkivillip aneerasaartarfiani oqaluttuarpoq. Kirsten Mærsk 65-nik ukiullip ulloq 15. maj suliffigaa kingulleq.

Kalaallit Illuanni 1982-miit 1990-mut ilitsersuisoq. 2004-mit Kalaallit Illuanni pisortaq. 2013-imit Nunat Atlantikup Avannaaniittut Illuanni pisortaq. Kalaallit Nunaannut attuumasunik ukiuni 24-ni sulivoq. Kirsten Mærsk ukiuni suliffigisamini tamani assigiinngitsunut tunngasuni pisortatut atuunneq isumaginninnikkullu pissutsit suliarai.

– 80-ikkunni ilitsersuisutut sulininni, ilaatigullu arlaleriaqalunga Kalaallit Nunaannut angalallunga ilinniagaqartunik Danmarkimukarnissamik qinnuteqarsimasunik oqaloqatiginnittarninni, Kalaallit Illuanni pisortatut atorfik pilerigigalugu nalunngereerpara. Malinnaasimavunga 2004-milu alloriarpunga. Qinnuteqaat allappara atorfinitsinneqarpungalu. Tamanna peqqissimissutiginikuunngisaannarpara. Suliassarpassuit annertuut amerlasuullu, unammillernartut annertuut amerlasuullu minnerunngitsumillu inuppassuarnik naapitsisarnerma ullut tamarluinnaasa pissanganartuutippai. Ingerlaanneq nuannersimaqaaq, Kirsten Mærsk erseqqissaavoq.

Allaaserineqartoq aviisimi Sermitsiami atuaruk

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER