Kirkens Korshærimi kialaarfik ornigarneqarluartoq

Vejlemi Kirkens Korshærimi kialaarfik Kirkens Korshærip atornikuerniarfiata tunuaani inissisimavoq.

Soorlu taaguutaata paasinarsitereeraa, kialaarfik pisariaqartitsinermi atugarliorfimmilu orniginarluinnartarpoq.

Kialaarfimmukartarput inuit qanoq ittulluunniit, assigiinngitsunik pissuteqarlutik ikiorneqarnissamik pisariaqartitsisut, imaluunniit ajornartorsiutitik pillugit oqaluttuarnerminni tusarnaarneqarusuttut. Piumasaqaatituaavoq 18-inik ukioqalereersimanissaq.

Enkle spilleregler i KK

Kialaarfimmut isernermi ingerlaannaq malugineqarsinnaavoq iserfik iseruminartuusoq. Pisattat, billardertarfik, iikkami assiliat, ullormut nerisassat pillugit allattorsimaffik igaffillu ammaannartoq takutitsipput isertut tamarmik tikilluaqqusaasut.

Tallimanngornermi ualikkut, ukiortaareersimalersoq, Sermitsiaq.AG aamma tikilluaqquneqarpoq. Immikkoortortaqarfimmi aqutsisoq Gyda Sørensen, 52-inik ukiulik, diakon, tikilluaqquaatigut oqaluttuarlunilu nammineq suleqatinilu qanoq iliorniarsarinerlutik.

Kisitsisit annertuut

Kialaarfik 1918-imi 19.623-inik atuisoqarpoq. Inuit ataasiakkaat ullormut iserneri tamaasa nalunaarsorneqartarput. Ullormut agguaqatigiissillugu inuit assigiinngitsut 68-it isertarput. Kisitsisit tunngaviusut, tassa Kirkens Korshærip taama taagormagit, takutitsipput inuit ataasiakkaat 1371-it 1918-imi isersimasut. Ukiup siulianut 15 procentimik amerleriarsimallutik. 2019-imit kisitsisit suli naammassinngillat. Kisitsisilli ikileriarsimanngillat. 364-it isertartuupput ilisarisimaneqarluartut. Taakkunannga kalaallit amerlangaatsiarput. Isertartunit ilisarisimaneqartunit 80-it kalaaliupput. Taakku saniatigut akuttusuumik isertartut 200-t sinnillit kalaallinik kingoqqisuupput. Kialaarfiup isertartuisa 22 procentii kalaaliupput.

Atugarliortut

Inuunermi atugarliortuuneq assigiinngitsorpassuusinnaavoq. Gyda Sørensen, Aasianni Sømandshjemmemi ukiuni sisamani sulisimasoq, taamaattumillu Kalaallit Nunaat pillugu ilisimasaqarluartoq, oqaluttuarpoq:

- Atugarliornermut pissutaasut amerlasoorujussuusinnaapput. Atornerluineq, tarnikkut ilungersuutit, aningaasaqarneq, ineqarniarneq, immaqalu pinerluttuliorneq. Inuunermi nutaaliaasumi amerlasuut inuunerminnik aaqqiniartillutik ilungersorujussuarsinnaasarput.

Afdelingsleder i varmestuen Gyda Sørensen har været fire år i Aasiaat.

- Nammineerluni atugarliortutut misigigaanni, taava atugarliortuuneruvoq, Gyda Sørensen erseqqissaavoq.

- Assigiinngitsutigut ikiuuttarpugut. Tungiuisarpugut, qanilaartarpugut ataqqinnillutalu. Najuuttuaannarpugut. Tusarnaarnissamut oqaloqatigiilaarnissamullu piareersimajuaannarpugut. Amerlasooriarluta misigisarparput oqaasinnguineq oqiliallatsitsisartoq. Qaninnerulertarpugut, oqaloqatigiinnermilu tassanngaannartumik ammartoqartarpoq ingerlariaqqinnissamut ikiuutaasinnaasumik.

- Nalunngilarput pisussat piffissamik pisariaqartitsisartut, uagullu piffissaqarluta.

Kialaarfimmi, silataani qaliaasalimmilu sulisoqartuaannarpoq. Imigassartussagaanni pujortassagaannilu tamanna silami pisariaqarpoq.

Nerisaqarani imigaqaranilu iluaqutaanngilaq

Ullormut nerisassat 20 koruuneqarput, kaffi tiitorfimmut 5 koruuneqarpoq (tiitorfik ulloq naallugu immeqqinneqarsinnaalluni), uffarneq 5 koruuneqarpoq errorsivimmillu atorneq 10 koruuneqarluni. Ajorluinnartumik inissisimagaanni kaalluinnarlunilu, angerlalernermi issiigiassanik poortanik nassartoqarsinnaavoq.

Dagens menu fremgår af den store tavle.

Ullut tamaasa naalagiartitsineq

Kirkens Korshærimik ateqarpoq iluaqutissatut oqaluffimmullu attuumasutut inissisimagami. Tamanna isumaqarpoq ualit tamaasa eqqissisimasumik naalagiartitsisoqartartoq. Naalagiartitsineq minutsinik 15-inik sivisussuseqarpoq, naalagiartoqarneranilu suna tamarmi matoqqasarpoq ataqqineqartarlunilu.

Kialaarfiinnaanngilaq

Aanngajaarniutinik atuiffimmi peqqissaavimmilu peqqissaasut pingasut, Vejle Kommunemit atorfinitsinneqarsimasut, aqqusinermi sulisut pingasut, illoqarfimmi atugarliortunik attaveqalernissamik suliaqartuusut, illoqarfeeraq arfinilinnik inaatilik nalliuttoqarneranilu aaqqissuisarnerit. Juulliaqqami inuit 50-it juullimi orpiliaqarlutik, poortugannallutik flæskestegitorlutillu kialaarfimmi juulliararsioqatigiipput. Ullut tamarluinnaasa kajumissutsiminnik suliaqartut takkuttanngitsuuppata, akisarsiaqarlutillu sulisut ikiorneqartanngitsuuppata, suna tamarmi iluatsissinnaasimassanngikkaluarpoq.

Vejlemi atugarliortut amerlasuut nammineq ineqareersuupput, inissaqarniarneq ajornanngitsunnguummat. Sumiiffiit allat assigalugit init akikinnerusut pissarsiariuminaannersaapput.

Naligalugit naapittarpagut

Immikkoortortami aqutsisoq Gyda Sørensen oqaloqatigiinnitsinni arlaleriarluni oqarpoq naligiillutik naapeqatigiinniartarlutik, taamallu oqartarnera oqaloqatigiinnerup naajartulernerani paasinarnerulerpoq:

- Kinaanerit atorlugu aggerit, ingerlarusuleruillu ingerlagit.

Powered by Labrador CMS