Skip to main content

Kirkegaard Politikenimut sakkortuumik uparuaavoq

Aatsitassarsiornermut Naalakkersuisuusimasoq, Inatsisartuni ilaasortaq Siumumeersoq Jens-Erik Kirkegaard Politikenimut, nunatta kitaani uuliamik nassaarnissaq ajornartorsiornerarlugu marlunngornermi allaaserisaqartumut, sakkortuumik uparuaavoq

Siumup Inatsisartuni ilaasortaatitaa, siornatigullu Naalakkersuisuni aatsitassarsiornermut ilaasortaasimasoq, Jens-Erik Kirkegaard sakkortuumik Politikenimut uparuaavoq.

Tamanna pivoq qallunaat aviisiat Politiken marlunngornermi allaaserisaqareersorlu uuliasiorfiit nunatsinnit qimarrattut.

Atuaruk: Uuliasioqatigiiffiit Kalaallit Nunaanni uuliasiornissaq taamaatiinnarpaat

Asuli oqaluttut
Uuliasiorfiit pingasut Baffinip kangerliumarngani uuliasiornissamik takorluugaqarsimasut aalajangerput suliatik unitsiinnarniarlugit. Suliffeqarfiit amerlanerusut taamatut aalajangernissaat ernumagalugu uuliasioqatigiiffiit Namminersorlutik Oqartussanit sivisunerusumik piffissalerneqarput.

- Aviisi Politiken piumasaarsorluni naliliiniarsarivoq imaluunniit misiliiniarsarivoq pasisaarutigalugu uuliasiortut ‘Kalaallit Nunaanniit tunuartitilersut’, Jens-Erik Kirkegaard allappoq.

Atuaruk: Uuliasioqatigiiffiit Nunatta imartaani qillererusukkunnaarnerat ima pissuteqarpoq

Pissutsit taamaapput
Jens-Erik Kirkegaardip Politikenip allaaserisaanut uparuaanermini tikkuarpaa uuliasiornissamut akuersissutit tallimat ukiuni qaangittuni kingullerni tunniunneqarsimasut.

- Maanna akuersissutit pingasut utertinneqalerput. Uuliasiornissamik ujarlerfissat nutaat taamatullu akuersissutit nutaat ukiuni tulliuttuni takkutilissapput, tamanna qularnanngivippoq. Aamma assigiinngitsunik patsiseqarlutik akuersissutinik utertitsisoqaqqinnissaa ilimagineqareersinnaavoq. Aatsitassarsiornermi taamaappoq. 

Kirkegaard: Uuliasiortoqarpoq
Nangilluni Jens-Erik Kirkegaard allappoq pissusiviusoq tassaasoq maanna uuliasiortoqartoq. 

- Qaquguli jackpot-ertoqassanersoq nalunarnavianngilaq.

- Kisianni imaassinnaavoq aamma Politiken ilumoortoq. Tamanna atsaat ukiut arlallit qaangiuppata ilisimalissavarput. Kisianni eqqunngilluinarpoq akuersissutit pingasuinnaasut utertimmata sunniuteqarujussuassasoq, tamanna ullumikkorpiaq tunngavissaqanngilaq, Kirkegaard allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER