Kirkegaard nuutsitsinissamut siunnersuummut qulartoq

Borgmesterit pingasuusut Qaasuitsumi, Qeqqani aamma Kujallermi marlunngornermi tusagassiortunik katersortitsinerminni, pisortani atorfippassuit Nuummit sinerissamut nuunneqartariaqartut siunnersuutgaat.

Jørgen Wæver Johansenip, Hermann Berthelsenip aamma Ole Dorphip, tamarmik Siumumeersut, atorfiit 600-t siulliit nuunneqarnerisigut eqqarsaatigaat, politikkikkut oqartussaaffiit amerlanerusut Danmarkimit angerlaassuunneqarnissaannut allaffinnik inissaqarnerulersitsissasut, taamaalillunilu Kalaallit Nunaata namminersulivinnissaanut qanilliallattoqassaaq.

Atuaruk: Siunnersuut atuaruk: Nuummi suliffiit 600-t ukununnga nuussapput

Misissueqqissaarneq
Inatsisartunut ilaasortaq aamma Siumumi politikkikkut oqaaseqartartoq, Jens-Erik Kirkegaard, borgmesterit pingasut siunnersuutaannut tapersiinerluni akerliunerluniluunniit suli aalajanginngilaq.

- Tikilluaqqunarpoq assut, aamma soqutiginarpoq oqallisigissallugu nunatta ukiuni aggersuni siuariartornissaa eqqarsaatigalugu qanoq aqqutissiisoqarsinnaanersoq, Jens-Erik Kirkegaard KNR-imut oqarpoq.

Atuaruk: Borgmesterit pisortani suliffiit sinerissamut nuutsikkusuppaat

Nalunaarusiaq amigartoq
KNR naapertorlugu Aqqaluaq B. Egede (IA) aamma Per Rosing-Petersen (PN) borgmesterit siunnersuutaannut tigusilluartorujussuupput.

Jens-Erik Kirkegaardili tunuarsimaarneruvoq.

- Nalunaarusiaq annertoorujussuarnik imaqarpoq, kisianni aamma amigaateqarpoq, soorlu qanoq akeqarnissaa. Taavalu aamma uku sulisut pineqartut ueqarlutillu nuliaqarput, ilai immaqa amerlasuut meeraqarput, taakkununnga aamma qanoq iliuuseqarnissaq nuussappata amigaataavoq, taanna KNR-imut oqarpoq.

Aamma atuakkit:

Nuutsitsinissamut pilersaarutip akia suli misissorneqanngitsoq

Nuummit nuutsiterinissamut Demokraatit akerliusut

Borgmesterit nalunaarusiaat uani atuaruk

Suliffiit sinerissamut nuutsinneqartariaqarpat - Qanoq isumaqarpit?