Skip to main content

Kiniiseri aningaasaliisartoq: Kuannersuit Europami mingutsitsinngitsumik atortussiornermut pilersuissaaq

Kinamiut ingerlatseqatigiiffiutaat Shenghe Europami ataavartumik nukissiornerup innaallagiatortunillu biililiornerup iluanni teknologiimut nutaamut aatsitassanik qaqutigoortunik pilersuisoorusuppoq

Aatsitassanik qaqutigoortunik pilersuinerup qulakkeerneqarnissaa matumani pineqarpoq. Kinamiut ingerlatseqatigiiffiutaani Shenghemi pisortaaneq, Hu Zesong, Kuannersuarni aatsitassarsiornissamut aningaasaliissuteqarnermut tunngaviusoq pillugu taamatut nassuiaavoq.

Shenghe Ressources, Greenland Minerals Ltd.-ip (GML) Kuannersuarni aatsitassanik qaqutigoortunik uranimillu misissuinissamut akuersissutillip 12,5 procentiinik piginneqataalerluni 2016-imi pisiaqarpoq. Tamannalu aatsaat pivoq misissuilluartoqareermat, Hu Zesong Dansk Industrip Kalaallit Nunaat pillugu isumasioqatigiissitsinerani nassuiaavoq.

- Nunarsuarmi aatsitassarsiorfiit 60-inik amerlanerusut misissorsimavavut, Kuannersuarnilu suliassaqarfik naleqqunnerpaasorisimallutigu, pisortaq oqarpoq.

Shenghe aatsitassanik qaqutigoortunik suliaqartartuuvoq, piiaanermiit suliffissuarnut tunisaqartarnermut. Tassungalu atatillugu aatsitassanik akisoorsuarnik  pilersuijuartoqarnissaata qulakkeerneqarnissaanik pisariaqartitsisoqartoq ingerlatseqatigiiffiup takusimavaa. Kuannersuit toqqarneqarnerannut ilaatigut pissutaavoq, aatsitassat akuitsuunerat kiisalu aatsitassat qaqutigoortut pingaarutillit allat tamarmik Kuannersuarni pigineqarnerat.

Shenghe aatsitassanik ataasiakkaanik immikkoortiterinermut akuiaasarnermullu immikkut ilisimasaqartuuvoq, taamaalillutik aatsitassanik nunarsuarmi niuerfinnut tunisaqarsinnaasarlutik. Tassungalumi atatillugu Europami niuerfik Shenghemit pilerigineqaqaaq.

Hu Zesong oqarpoq, Europami suliffissuit ataavartumik nukissiuuteqarnerup, nukissiornermi sipaaruteqartarnerup biilillu innaallagiatortut suliarineqartarnerisa iluini teknologiimik ineriartortisinissaat naatsorsuutigineqartoq. Tamakkulu tamarmik suliarineqassappata aatsitassat qaqutigoortut pisariaqartinneqassapput, Shenghellu Kuannersuit aqqutigalugit tamanna iliuuseqarfiginialersaarpaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER