»Kinguaattoorutit aarleritsannartumik annertussusillit«
Issittumi illoqarfinni allani sapaatip-akunnerani kingullermi -20 gradinik issippoq. – Kisianniqiiavunga, inuuissiorlungalu, sullitaq ernumasoq Nukissiorfinnut allappoq. Ajornartoorneritassingusut pinngitsoortinniarlugit siunissami annertuumik aningaasaliisoqassaaq.
Innaallagiaaruttoornerit ilungersunartut politikerinut eqeersaataapput. Tassami nalorninartorsiorneq meeqqani inersimasunilu qiiasuni inissianilu taartuinnaasuni takkukkiartuaartillugu Nuummi apeqquterujussuaq pilerpoq:
Qanoq ililluni taama pisoqarsinnaagami?
Aviisi AG taama allappoq.
- Ukiuni 50-ini Nuummi najugaqarninni assingusumik misigisaqanngisaannarsimavunga, Nukissiorfinni sullitat ilaat nukissiuutinik ingerlatseqatigiiffiup Facebookimi quppernerani allappoq. Innuttaasut ilaannit sulisut pissutsini ilungersunartuni qasusuillutik suliniarnerannik nersualaarneqarput, allat appisaluussillutik, sulilu allat siunissamut ernumalersimanerarlutik.
- Anorersuit sakkortuneruleriartorput – tamanna piareersimaffigineqarpa? Pilersaarutit allat tamaasa unitsillugit illoqarfik tamakkerlugu ajornartoornermi innaallagissiuutinik pilersitsiniaritsi, sullitaq ingerlatseqatigiiffimmut allappoq.
Tassami Nuummi – nunamilu sumiiffinni allani – nukissiuuteqarnermut aningaasaliissutit amerlineqanngippata pilersuinikkut ajornartorsiutit siunissami ajornerpaamik pisoqartillugu qanoq pisoqarsinnaaneranut ilimasaarutaaqqaartutut paasinarsisinnaapput.
Tamanna Nukissiorfinnit ukiumoortumik nalunaarusiami kingullermim (2020) erseqqissaatigineqarpoq, ingerlatseqatigiiffik ima allammat:
- Pilersuinerup isumannaatsuunissaa qulakkeerniarlugu atortuutini pioreersuni aningaasaleeqqinnissaq pisariaqarpoq. Aningaasaleeqqittoqartinnagu Nukissiorfiit atortuutaat ajorneruleriartussapput. Atortuutini pioreersuni pisariaqartumik aserfallatsaaliinerup saniatigut ukiumut minnerpaamik 200 millioner koruuninik atuisoqartariaqassasoq Nukissiorfiit naliliutigaat (…)
- 2020-mi 38 millioner koruunit missaat aningaasaleeqqinnernut atorneqarput, tamannalu ukiumoortumik pisariaqartitat 19 procentiannik naleqarpoq. Nukissiorfiit taamaalillutik pilersuinerup isumannaatsuutinneranik attassiinnarnissamut pisariaqartumik aningaasaleeqqissinnaasimanngillat, ukiumoortumik nalunaarusiami allassimasoqarpoq.
Aviisi AG uani ataani pissarsiarisinnaavat: