Skip to main content

Kinguaattoorneq Nuummi umiarsualivittaassamut akisoorujussuusoq

Sikuki Nuuk Harbourip containeriisiviliaa sananeqarnera kinguaattoorujussuarpoq. Tamannalu suliffeqarfiup amigartoorutaanut annertusaataavoq.

Containeriisiviup nutaap novemberimi naammassineqarnissaa tunniunneqarnissaalu isumaqatigiissutigineqarsimasoq Sikuki Nuuk Harbourip ukiumut nalunaarusiaani allaqqavoq.  

Nalunaarusiamili oqaaseqatigiinni siullerni tamanna anguneqarsimanngitsoq allaqqavoq. Containeriisivik suli piareerneqanngilaq tamannalu akisusimaqaluni. 

- Umiarsualiviup novemberimi 2017-imi atulerneqannginnera pissutaalluni aningaasatigut nalunaarusiat ilimagisamit amigartoorutaapput, siulersuisut ukiumut nalunaarusiami ilaatigut allapput.  

Aningaasat akileraarutit peernagit 2,9 millionit koruunit amigartoorutigineqarput, akileraarutillu peereerlugit 2,0 millionit koruuniullutik. Aningaasat qanoq amerlatigisut kinguartoornermit tunngaveqarnersut allaqqanngilaq. 

Sanaartugassanik suliassinneqartorlu saqitsaanneq 
Pilersaarutit malillugit containeriisivik aasamut aatsaat naammassissaaq. 

Taassuma ilutigisaanik Sikukip sanaartortitsisullu Per Aarsleff Grønland Aps-ip akornanni isumaqatigiinngittoqarpoq. Taakkumi iluminni kinguaattoornerup kingunerisaanik aningaasanik imminnut noqqaassuteqaqattaarput.  

-  Piffissaliunneqartup sivitsorneqarnissaa akiliisoqaqqinnissaalu sanaartortitsisumit piumsarineqarpoq. Tamannali Sikuki Nuuk Harbour A/S-imit akuerineqanngilaq, isumaqatigiissummilu aalajangersakkat malinneqarnissaat innersuussutigalugit, ukiumut nalunaarusiami allaqqavoq.  

Taamatut isumaqatigiittoqannginnera naammassiniarnermut sunniuteqaqataassaaq. 

2016-imi Sikukip Nuummi umiarsualiviliornerit allat tiguai, maannalu suliffeqarfik atuinermut akiliutinik tunuliaqutaqarluni ingerlanneqarpoq. 

2017-imi siullermeerluni sinneqartoortoqarnissaa suliffeqarfimmit naatsorsuutigineqarpoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER